Archives: Publications

ⴷⴰ ⵉⵜⵜⴰⴷⴷ ⵓⵙⵇⵇⵉⵎ ⴳ ⵜⴰⵏⵏⴰⵢⵜ ⴰⴷ ⵏⵏⵙ, ⵏⵏⴰ ⴷ ⵉⵍⵓⵍⴰⵏ ⴷⴼⴼⵉⵔ ⵉⵎⵙⴳⴷⴰⵍⵏ ⵉⵖⵣⵣⴰⴼⵏ ⵉⵡⵏⴰⵏ ⵏ ⵓⵙⵇⵇⵉⵎ ⵏⵏⵙ ⴰⵎⴰⵜⴰⵢ ⵅⴼ ⵉⵖⴰⵡⴰⵙⵏ ⵓⵣⵔⵉⴱⵏ, ⴷⴰ ⵉⵜⵜⴰⴷⴷ ⵅⴼ ⵓⵣⵓⵛⵛⵍ ⵏ ⵓⵏⵓⴹⵓ ⵏ ⵜⵣⵎⵎⴰⵔ ⵏ ⵜⵏⴽⵔⴰ ⵙ ⵓⵙⵍⵎⴷ ⴰⵎⵏⵣⵓ, ⴷ ⵢⵉⵡⴹ ⵖⵔ ⵢⴰⵏ ⵓⵙⵍⵎⴷ ⵓⵛⵛⵉⵍ ⵉⵕⵡⴰⵏ ⵏ ⵉⵛⵉⵔⵔⴰⵏ ⴰⴽⴽⵯ ⵉⵎⵖⵔⴰⴱⵉⵢⵏ ⴰⵔ ⴰⴷⴷⴰⵢ ⵖⵓⵔⵙⵏ 15 ⵏ ⵉⵙⴳⴳⵯⴰⵙⵏ ⴳ ⵍⵄⵎⵕ ⵏⵏⵙⵏ, ⵔⵏⵓ ⴰⴽⴰⵎ ⵅⴼ ⵜⵙⵏⵜⴰⵢⵜ ⴷ ⵜⴱⵖⵓⵔⵜ ⴳ ⵓⵙⵉⵏⴰⵏ ⴷ ⵓⵙⵎⵓⵜⵜⴳ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ…

 
ⴰⴳⴰⵎ ⵏ ⵜⴰⵏⵏⴰⵢⵜ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ
ⴰⴳⴰⵎ ⵏ ⵜⴰⵏⵏⴰⵢⵜ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ

ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵓⵙⵜⴰⵍ ⵖⵓⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⵍⵎⴷ, ⵙ ⵢⵉⵡⵙ ⵏ ⵜⵙⴷⴰⵡⵉⵜ ⵎⵓⵃⴰⵎⴷ ⵡⵉⵙⵙ ⵙⵎⵎⵓⵙ – ⵙⵙⵡⵉⵙⵉ, ⴰⵏⵎⵓⴳⴳⴰⵔ ⴰⵙⴳⵯⵙⴰⵏ ⴰⵎⵣⵡⴰⵔⵓ ⵏ ⵓⵙⵜⴰⵍ ⵅⴼ ⵓⵙⴳⵓⵎ : « ⴰⵏⵎⵓⴳⴳⴰⵔ ⴰⵏⴰⵎⵓⵔ ⴰⵎⵣⵡⴰⵔⵓ ⵏ ⵓⵙⵜⴰⵍ : ⴰⵙⵜⴰⵍ ⵏ ⵉⵏⴳⵔⴰⵡⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⵙⴳⴳⵯⵉⵏ ⵏⵏⵙ ⴰⴽⴽⵯ », ⵓⵙⵙⴰⵏ ⵏ 17 ⴷ 18 ⴷ 19 ⵉⴱⵔⵉⵔ ⴳ ⵕⵕⴱⴰⵟ.

 
ⴰⴳⴰⵎ ⵜⵉⵡⵓⵔⵉⵡⵉⵏ ⵏ ⵓⵏⵎⵓⴳⴳⴰⵔ

ⵜⵓⴹⴼ ⵜⵖⵓⵔⵉ ⵢⴰⴷ ⵜⵉⵎⵉⵜⴰⵔ ⵏ ⵓⵙⵓⵖⴷ ⴰⵙⴷⴰⵡⴰⵏ ⵏⵏⴰ ⵉⵏⵏⵓⵕⵥⵎⵏ ⴰⵙⴳⴳⵯⴰⵙ ⵏ 2003, ⵙ ⵉⵎⵥⵍⵉ ⴰⵜⵉⴳ ⵏ ⵡⴰⵍⴰⵢ ⵏⵏⴰ ⵢⵉⵡⴹ ⵓⵣⵣⵉⴳⵣ ⴰⵏⵉⵎⴰⵏ ⵏ ⵜⵙⴰⴷⴰⵡⵉⵏ ⴷ ⵓⵙⵙⴽⴰⵏ ⵏ ⵉⴷⵖⴰⵔⵏ ⵏ ⵜⵣⵎⵎⴰⵔ ⴷ ⵜⵉⵏ ⵓⵏⵏⴳⵣⵉ ⴷ ⵓⵙⵓⵎⵔ ⵏ ⵜⵙⵖⵍⴰⴼ ⵉ ⵓⵙⵙⵖⴱⵓ ⵏ ⵜⵏⵎⵏⴰⴹⵜ ⵙ ⵡⵓⴷⵎ ⵉⴷⵓⵙ ⵓⴳⴰⵔ ⴷ ⵓⵙⵙⵎⵖⵓⵔ ⵏ ⵉⵎⴰⵙⵙⵏ ⵏⵏⵙ ⴳ ⵓⵎⵏⵉⴷ ⵏ ⵓⴳⴰⵔ ⵏ ⵜⵕⵡⵉ.

ⴰⴳⴰⵎ ⵜⴰⵖⵓⵔⵉ ⵉⵍⵍⴰ ⵖⴰⵙ ⵙ ⵜⵓⵜⵍⴰⵢⵜ ⵜⴰⴼⵔⴰⵏⵙⵉⵙⵜ)

ⴰⵡⵜⵜⴰⵙ ⵏ ⵜⵖⵓⵔⵉ ⵢⴰⴷ ⵉⴳⴰ ⵜⵉⴹⴰⴼ ⵏ ⵉⵎⵄⵉⵏⵏ ⵏ ⵉⵖⴰⵡⴰⵙⵏ ⵏ ⵓⵙⴳⵎⵉ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⵎⵓⵔⵉ ⴷ ⵉⵎⵙⴰⵔⴰⵙⵏ ⴷ ⵜⴼⵉⴽⴽⴰⵛ ⵉⵣⴷⵉⵏ ⴷ ⵓⵙⵙⴳⵎ ⵏⵏⵙ, ⴰⵢⴰ, ⴰⴼⴰⴷ ⴰⴷ ⵜⵜⵓⵙⴽⵔⵏ ⵉⵙⵡⵓⴷⴷⵓⵜⵏ ⵉⵙⵎⵓⵙⵙⵓⵏ ⵏⵏⴰ ⵉⵖⵉⵢⵏ ⴰⴷ ⵉⵙⵖⵓⴷⴰ ⵜⴰⵎⵢⴰⴷⴰⵙⵜ ⵏ ⵓⵙⵙⵓⵊⴷ ⵏ ⵉⵖⴰⵡⴰⵙⵏ ⴰⴷ ⴷ ⵜⵕⵡⵉ ⵏⵏⵙⵏ. ⵜⵙⵙⵏⴹⵓ ⵜⵖⵓⵔⵉ ⵢⴰⴷ ⵉⵙⵏⵉⴼⵉⵍⵏ ⵏⵏⴰ ⵉⵜⵜⵓⴳⴰⵏ ⵖⵓⵔ ⴽⵉⴳⴰⵏ ⵏ ⵉⵎⴳⴳⴰⵢⵏ ⵅⴼ ⵓⵙⵡⵉⵔ ⵏ ⵜⵡⴰⵍⵉⵜⵉⵏ, ⵜⵙⵙⵓⵔⴼ ⴷⵉⵖ ⵙ ⵓⵙⵜⴰⵍ ⵏ ⵡⴰⵜⵉⴳ ⵏ ⵓⵍⵜⴰⵖ ⵏⵏⵙⵏ ⴷ ⵓⵢⵏⵏⴰ ⵢⴰⴽⴽⵯ ⵜⵏ ⵉⵙⵎⵓⵙⵙⵓⵏ…

ⴰⴳⴰⵎ ⵜⴰⵖⵓⵔⵉ ⵉⵍⵍⴰ ⵖⴰⵙ ⵙ ⵜⵓⵜⵍⴰⵢⵜ ⵜⴰⴼⵔⴰⵏⵙⵉⵙⵜ)

ⵜⴱⴹⴰ ⵜⵖⵓⵔⵉ ⵢⴰⴷ ⵅⴼ ⵙⵏⴰⵜ ⵜⵙⴳⴳⵯⵉⵏ : ⵜⴰⵙⴳⴰ ⵏ ⵡⴰⴽⴰⵣ ⵏⵏⴰ ⵉⵜⵜⴰⵏⵏⴰⵢⵏ ⵜⵉⵍⴰⵡⵜ ⵏ ⵓⵙⵍⵎⴷ ⴰⵎⵏⵣⵓ ⴳ ⵍⵎⵖⵔⵉⴱ ⴷ ⵜⵙⴳⴰ ⵢⴰⴹⵏ ⵏⵏⴰ ⴷⴰ ⵉⵙⵙⴼⴰⵡⵏ ⵉⵔⵎ ⵏ ⵜⵔⴰⴱⴱⵓⵜ ⵏ ⵉⵎⵓⵣⴰⵢ ⵉⵎⵖⵔⴰⴱⵉⵢⵏ ⵏⵏⴰ ⵉⵙⵡⵓⵔⵉⵏ ⵅⴼ ⵓⵙⵙⵎⵖⵔ ⵏ ⵓⵣⵓⵔⵜ ⴰⵎⵖⵔⴰⴱⵉ ⵏ ⵓⵙⵍⵎⴷ ⴰⵎⵏⵣⵓ.

 
ⴰⴳⴰⵎ ⵜⴰⵖⵓⵔⵉ ⵉⵍⵍⴰ ⵖⴰⵙ ⵙ ⵜⵓⵜⵍⴰⵢⵜ ⵜⴰⴼⵔⴰⵏⵙⵉⵙⵜ)

ⴰⵡⵜⵜⴰⵙ ⵏ ⵜⵖⵓⵔⵉ ⵢⴰⴷ ⵉⴳⴰ ⴰⵙⵏⵎⵍ ⵏ ⵓⵙⵍⵎⴷ ⴰⵇⴱⵓⵔ ⴳ ⵍⵎⵖⵔⵉⴱ, ⵙ ⵉⵎⵥⵍⵉ « ⵜⴰⵎⵓⵕⴼⵓⵍⵓⵊⵉⵜ ⵏⵏⵙ », ⴰⵥⵟⵟⴰ ⴷ ⵜⵖⴰⵔⴰⵙⵉⵏ ⵏ ⵜⵡⵓⵔⵉ ⵏⵏⵙ. ⵜⵔⴰ ⴷⵉⵖ ⵜⵖⵓⵔⵉ ⵢⴰⴷ ⴰⴷ ⵜⵙⵙⴼⴰⵡ ⵅⴼ ⵡⴰⵏⴰⵡⵏ ⵏ ⵓⵙⵍⵎⴷ ⴰⵇⴱⵓⵔ, ⴱⵟⵟⵓ ⵏⵏⵙ ⴰⵊⵉⵢⵓⵖⵔⴰⴼⵉ, ⴰⵎⵣⵔⵓⵢ ⵏⵏⵙ, ⵜⴰⵖⴰⵔⴰⵙⵜ ⵏ ⵓⵙⵡⵓⴷⴷⵓ ⵏⵏⵙ, ⴰⵏⴰⵡ ⵏ ⵓⵙⴰⵜⵉ ⵏⵏⴰ ⵜⵙⵜⵉ, ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⵙⵓⴳⵓⵔ ⵏⵖ ⴰⵙⴳⵎⵉ, ⵜⵉⴼⴰⴷⵉⵡⵉⵏ ⵏ ⵜⵓⴷⵔⵜ ⵏ ⵉⵎⵃⴹⴰⵕⵏ, ⴰⵙⵎⵓⵙⵙ ⵏⵏⵙⵏ, ⵉⵏⵓⵔⵣⵏ ⵏⵏⵙ ⴷ ⵉⵎⵏⴰⴷⵏ ⵏ ⵜⵡⵓⵔⵉ ⵉⵏⵏⵓⵕⵥⵎⵏ ⴷⴰⵜⴰⵙⵏ.

 
ⴰⴳⴰⵎ ⵜⴰⵖⵓⵔⵉ ⵉⵍⵍⴰ ⵖⴰⵙ ⵙ ⵜⵓⵜⵍⴰⵢⵜ ⵜⴰⴼⵔⴰⵏⵙⵉⵙⵜ)

ⵜⵓⵎⴰ ⵜⵖⵓⵔⵉ ⵢⴰⴷ ⴰⴽⴰⵣ ⴰⵎⴰⵜⴰⵢ ⵏ ⵜⵡⵓⵔⵉ ⵏ ⵓⵣⵣⵔⴰⵢ ⵅⴼ ⵉⵖⴰⵡⴰⵙⵏ ⴷ ⵉⴷⵍⵉⵙⵏ ⵉⵏⵎⵍⴰⵏⵏ ⵏⵏⴰ ⵜⵙⵙⵓⴼⵖ ⵜⵎⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ, ⵙ ⵜⵓⵚⴽⴰ ⵅⴼ ⵜⵙⵖⵍⴰⴼ ⵏ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⴳ ⵓⵡⵜⵜⴰⵙ ⵏ ⵡⴰⴹⴰⴼ ⵏ ⵉⵎⵄⵉⵏⵏ ⴷ ⵓⵙⴽⴰⵏ ⵏ ⵉⵎⵣⴰⵔⴰⵢⵏ ⵉⵣⴷⵉⵏ ⴷ ⵢⵉⵔⵎ ⴰⴷ, ⴷ ⵓⵙⵓⵎⵔ ⵏ ⵉⵎⴽⴽⵉⵙⵉⵜⵏ ⵉⵖⵉⵢⵏ ⴰⴷ ⵉⴼⴽ ⵓⵏⴼⵓⵙ ⴰⵎⴰⵢⵏⵓ ⵉ ⵓⵙⵓⵖⴷ ⴰⴷ.

 

ⴰⴳⴰⵎ ⵜⴰⵖⵓⵔⵉ ⵉⵍⵍⴰ ⵖⴰⵙ ⵙ ⵜⵓⵜⵍⴰⵢⵜ ⵜⴰⴼⵔⴰⵏⵙⵉⵙⵜ)

ⴷⴰ ⵜⵙⵙⴼⴰⵡ ⵜⵖⵓⵔⵉ ⵢⴰⴷ ⵅⴼ ⵜⵉⵍⴰⵡⵜ ⵏ ⵓⵣⵓⵣⵣⵔ  ⵏ ⵉⵙⵇⵇⵉⵎⵏ ⵏ ⵓⵙⵡⵓⴷⴷⵓ ⵏ ⵜⵎⵔⵙⴰⵍ ⵜⵉⵏⵍⵎⴰⴷⵉⵏ ⵅⴼ ⵓⵙⵡⵉⵔ ⴰⵏⴰⵎⵓⵔ, ⴷ ⵓⵙⵙⴽⴰⵏ ⵏ ⵜⴼⵉⴽⴽⴰⵛ ⵜⵉⵅⴰⵜⴰⵔⵉⵏ ⵏⵏⴰ ⵉⵙⴱⴷⴷⵏ ⴰⵙⵡⵓⵔⵉ ⵏⵏⵙ, ⴷ ⵓⵙⵓⵎⵔ ⵏ ⴽⵔⴰ ⵏ ⵜⵙⵖⵍⴰⴼ ⵉ ⵓⵙⵖⵓⴷⵓ ⵏ ⵓⵣⵣⵉⴳⵣ ⵏ ⵓⵙⵡⵓⵔⵉ ⵢⴰⴷ.

 
ⴰⴳⴰⵎ ⵜⴰⵖⵓⵔⵉ (ⵉⵍⵍⴰ ⵖⴰⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ)

ⴰⵡⵜⵜⴰⵙ ⵏ ⵜⵖⵓⵔⵉ ⵢⴰⴷ, ⵏⵏⴰ ⵉⵜⵜⵓⵙⴽⵔⵏ ⴳ ⵓⵙⴰⵜⵉ ⵏ ⵓⵙⵙⵓⵊⴷ ⵏ ⵜⴰⵏⴰⴹⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⴳ ⵓⵙⴳⴳⵯⴰⵙ ⵏ 2008, ⵉ ⵓⵙⵎⵏⵉⴷ ⵏ ⵡⴰⴽⴰⵣ ⵏ ⵓⵙⵡⵓⵔⵉ ⵏ ⵜⵙⵖⵍⴰⴼ ⵏ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵜⵏⵎⵏⴰⴹⵜ ⴷ ⵓⵙⵏⵎⵎⵙ ⴷ ⵓⵙⵏⵓⵍⴼⵓ ⵏ ⵉⵎⵏⵉⴷⵏ ⴷ ⵡⴰⴷⴰⴼⵏ ⵏ ⵜⵡⵓⵔⵉ ⵏⵏⴰ ⵉⵖⵉⵢⵏ ⴰⴷ ⵉⴹⵎⵏ ⴰⵎⵓⵔⵙ ⵏ ⵉⵙⵡⵓⴷⴷⵓⵜⵏ ⴰⴷ.

 
ⴰⴳⴰⵎ ⵜⴰⵖⵓⵔⵉ (ⵉⵍⵍⴰ ⵖⴰⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ)

ⵜⵉⵡⵉ ⴷ ⵜⴰⵏⵏⴰⵢⵜ ⴰⴷ ⵏ ⵓⵙⵇⵇⵉⵎ ⵅⴼ ⵜⵉⵍⴰⵍⵜ ⵏ ⵜⵉⵏⵎⵍ ⴳ ⵓⵙⵙⴳⵎ ⵏ ⵜⵖⴰⵔⴰ ⵜⵓⵖⵔⵉⵎⵜ, ⴽⵔⴰ ⵏ ⵉⴼⵔⴷⵉⵙⵏ ⵏ ⵡⴰⴽⴰⵣ ⵏ ⵜⵉⵍⴰⵡⵜ ⵏ ⵜⵖⴰⵔⴰ ⵜⵓⵖⵔⵉⵎⵜ ⴳ ⵉⵙⴰⵢⵔⴰⵔⵏ ⵏ ⵜⵉⵏⵎⵍ ⵜⴰⵏⴰⵎⵓⵔⵜ, ⵜⴰⵙⴳⴰ ⵏ ⵜⵎⵓⴽⵔⵉⵙⵉⵏ ⵏ ⵜⵎⵢⴰⴷⴰⵙⵜ, ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⵡⵓⵔⵉ, ⴰⵡⴷ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵙⴳⴳⵯⵉⵏ ⵏ ⵜⵖⴰⵔⴰⵙⵉⵏ ⵜⵉⴱⵉⴷⴰⵖⵓⵊⵉⵏ, ⴰⵔ ⵉⵜⵜⵡⴹ ⵖⵔ ⴰⵙⵓⵎⵔ ⵏ ⵡⴰⴷⴰⴼⵏ ⵉ ⵓⵙⵖⵏⵓ ⴰⵙⴰⵜⵉ ⵏ ⵜⵡⵓⵔⵉ ⵏ ⵜⴳⵎⵉ ⵏ ⵜⵖⴰⵔⴰ ⵜⵓⵖⵔⵉⵎⵜ ⴰⴳⵓⵏⵙ ⵏ ⵜⵎⵔⵙⴰⵍ ⵜⵉⵏⵎⵍⴰⵏⵉⵏ ⴷ ⵜⵙⴷⴰⵡⵉⵏ ⵜⵉⵏⴰⵎⵓⵔⵉⵏ ⴷ ⵉⵙⴰⵢⵔⴰⵔⵏ ⵏⵏⵙ ⵙⴳ ⵜⵉⵣⵡⵉⵔⵉ ⵏ ⵓⵙⴳⴳⵯⴰⵙ ⴰⵏⵎⵍⴰⵍ ⴷ ⵓⵙⴷⴰⵡⴰⵏ 2007 /2008, ⵉⵎⵓⵏⵏ ⴷ ⵉⵙⵓⵎⴰⵔ ⵓⵎⵀⵉⵍⵏ ⴷ ⵉⵎⴰⵙⵙⵏ ⵏ ⵓⵙⵎⵀⵍ ⴷ ⵓⴹⴼⴼⵓⵕ…

 
ⴰⴳⴰⵎ ⵏ ⵜⴰⵏⵏⴰⵢⵜ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ
ⴰⴳⴰⵎ ⵏ ⵜⴰⵏⵏⴰⵢⵜ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ