Archives: Publications

ⵜⵡⴰⵜⵙ ⵜⴰⵏⵏⴰⵢⵜ ⴰⴷ ⴰⵙⵏⵖⴷ ⵏ ⵜⵓⵎⴰⵢⵉⵏ ⵏ ⵓⵎⴰⵏⴰⵔ ⴰⵙⴰⵖⵓⵍ ⵏ ⵜⵡⵓⵔⵉⵡⵉⵏ ⴷ ⵜⵙⵓⴳⴰⵔ ⵏ ⵉⵙⴳⵎⴰⵏⵏ ⴷ ⵜⵙⴳⵎⴰⵏⵉⵏ ⵏ ⵓⵙⵍⵎⴷ ⴰⵎⵏⵣⵓ ⵏⵖ/ ⴷ ⵓⵙⴱⵓⵖⵍⵓ ⵏⵏⵙ, ⴰⵔ ⴰⴷⴷⴰⵢ ⵜⵉⵡⴹ ⵖⵔ ⵉⴼⵔⴷⵉⵙⵏ ⴰⴽⴽⵯ ⴷ ⵜⵙⴳⴳⵯⵉⵏ ⵏⵏⴰ ⵉⵙⵙⵓⵜⵓⵔ ⵓⵎⵏⵉⵔ ⴰⵙⴰⵖⵓⵍ ⵉⵣⴷⵉⵏ ⴷ ⵜⴰⵣⵣⵓⵍⵜ ⵜⴰⵙⴳⵎⴰⵏⵜ ⵏⵏⴰ ⵎⵉ ⵅⵚⵙⴰⵏⵜ ⵜⵣⵎⵎⴰⵔ ⵜⵉⵅⴰⵜⴰⵔⵉⵏ, ⴰⵛⴽⵓ ⵜⵣⴷⵉ ⴷ ⵉⵛⵉⵔⵔⴰⵏ ⴳ ⵓⵙⵡⵉⵔ ⵏ ⵍⵄⵎⵕ ⴰⵎⵣⵣⵔⴰⵢ, ⴷ ⵉⵇⵇⴰⵏ ⵜⵜ ⵏ ⴰⴷ ⵜⵉⵖⵉⵢ ⵉ ⵜⵏⴰⵎⵉⵜ ⴷ ⵜⵙⵏⵜⴰⵢⵜ, ⴳ ⵓⵙⴰⵜⵉ ⵏ ⵜⵙⵉⵎⴰⵏⵜ ⵜⴰⵙⵖⵏⴰⵏⵜ ⵏⵏⴰ ⵉⵙⵙⴰⵜⵉⵏ ⵜⴰⵣⵎⵔⵜ ⵏ ⵓⵎⵢⴰⵖ ⵉⵕⵡⴰⵏ ⴷ ⵓⵎⵢⴰⵏⴰⵡ ⵏ ⵉⵙⵓⵜⵓⵔⵏ ⵏ ⵉⵛⵉⵔⵔⴰⵏ ⴷ ⵡⴰⴷⴷⴰⴷⵏ ⵏⵏⵙⵏ.

 
ⴰⴳⴰⵎ ⵜⴰⵏⵏⴰⵢⵜ (ⵉⵍⵍⴰ ⵖⴰⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ)

ⴰⵡⵜⵜⴰⵙ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵜⴰⵍ ⵏ ⵉⵎⵄⵉⵏⵏ ⵏ ⵉⵏⵍⵎⴰⴷⵏ ⵏ ⵓⵙⴳⴳⵯⴰⵙ ⵡⵉⵙⵙ ⵙⴹⵉⵙ ⵏ ⵓⵙⵍⵎⴷ ⴰⵎⵏⵣⵓ ⴷ ⵡⵉⵏⵏⴰ ⵉⵇⵇⴰⵔⵏ ⴳ ⵓⵙⴳⴳⴰⵙ ⵡⵉⵙⵙ ⴽⵕⴰⴹ ⴳ ⵓⵙⵍⵎⴷ ⴰⵙⵎⴰⵜⵜⴰⴳ. ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⴳⴳⵯⴰⵙ ⵡⵉⵙⵙ ⵙⴹⵉⵙ ⵏ ⵓⵙⵍⵎⴷ ⴰⵎⵏⵣⵓ, ⴷⴰ ⵜⵜⵓⵙⵜⴰⵍⵏ ⵉⵎⵄⵉⵏⵏ ⵏ ⵉⵏⵍⵎⴰⴷⵏ ⴳ ⵜⵓⵜⵍⴰⵢⵉⵏ ⵏ ⵜⵄⵔⴰⴱⵜ ⴷ ⵜⴼⵔⴰⵏⵙⵉⵙⵜ ⴷ ⵜⵓⵙⵏⴰⴽⵜ ⴷ ⵓⵎⵓⵙⵙⵓ ⴰⵎⵓⵙⵙⴰⵏ. ⴳ ⵓⵢⵏⵏⴰ ⵉⵣⴷⵉⵏ ⴷ ⵉⵏⵍⵎⴰⴷⵏ ⵏ ⵓⵙⴳⴳⵯⴰⵙ ⵡⵉⵙⵙ ⴽⵕⴰⴹ ⵏ ⵓⵙⵍⵎⴷ ⴰⵙⵎⴰⵜⵜⴰⴳ ⴷⴰ ⵜⵜⵓⵙⵜⴰⵍⵏ ⵉⵎⵄⵉⵏⵏ ⴳ ⵜⵓⵜⵍⴰⵢⵉⵏ ⵏ ⵜⵄⵔⴰⴱⵜ ⴷ ⵜⴼⵔⴰⵏⵙⵉⵙⵜ ⴷ ⴳ ⵜⵓⵙⵏⴰⴽⵜ ⴷ ⵜⴼⵉⵣⵉⴽⵜ ⴷ ⵜⵛⵉⵎⵉⵢⵜ ⴷ ⵜⵓⵙⵙⵏⵉⵡⵉⵏ ⵏ ⵜⵓⴷⵔⵜ ⴷ ⵡⴰⴽⴰⵍ.

ⵜⵜⵓⵙⵜⵉⵏ ⵉⵙⵡⵉⵔⵏ ⴰⴷ ⴰⵛⴽⵓ ⴷⴰ ⵙⵎⴷⵢⴰⵏ ⵙⵏⴰⵜ ⵜⵉⴽⵍⵉⵡⵉⵏ ⵜⵉⵎⵖⵜⴰⵙⵉⵏ ⵏ ⵜⵖⵓⵔⵉ, ⴳⴰⵏⵜ ⵜⵉⴳⵉⵔⴰ ⵏ ⵓⵙⵍⵎⴷ ⴰⵎⵏⵣⵓ, ⴷ ⵜⴳⵉⵔⴰ ⵏ ⵓⵙⵍⵎⴷ ⵓⵛⵛⵉⵍ. ⵔⵏⵓ ⵉ ⵓⵢⴰⴷ ⴰⵙⵎⴰⴷ ⵏ ⵓⵖⴰⵡⴰⵙ ⵢⵓⵙⴰ ⴷ ⴷ ⵓⵣⵔⵔⵓⵢ ⵏ ⴽⵓⵥ ⵏ ⵉⵙⴳⴳⵯⴰⵙⵏ ⵅⴼ ⵓⵙⵎⵓⵙⵙ ⵏ ⵜⵎⵓⵖⵍⵉ ⵜⴰⵙⵟⵕⴰⵜⵉⵊⵉⵜ ⵏ ⵓⵙⵓⵖⴷ 2015-2030, ⴰⵢⴰ ⵢⵓⴷⵊⴰ ⴰⴷ ⵏⵙⵙⵉⵜⴳ ⵜⵉⵣⵎⵎⴰⵔ ⵉⵜⵜⵓⴳⴰⵏ ⴰⴼⴰⴷ ⴰⴷ ⵏⴰⵡⴹ ⵖⵔ ⵉⵡⵜⵜⴰⵙⵏ ⵏⵏⴰ ⵏⵙⵔⵙ ⵉ ⵓⵙⵓⵖⴷ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ.

ⵙ ⵜⵖⵓⵔⵉ ⵢⴰⴷ, ⵉⵏⵏⵓⵔⵣ ⵓⴳⵔⴰⵡ ⴰⴷ ⵉⵙⵜⵍ ⴰⵙⵡⵉⵔ ⵏ ⵉⵎⵄⵉⵏⵏ ⵏ ⵉⵏⵍⵎⴰⴷⵏ ⴳ ⵉⵎⵉⵔⵏ ⵏ ⵓⵙⵍⵎⴷ ⴰⵎⵏⵣⵓ ⴷ ⵓⵙⵉⵏⴰⵏ ⴷ ⵓⵙⵎⴰⵜⵜⴰⴳ, ⴷ ⵓⵙⵡⵓⵜⵜⵓ ⵏ ⵜⵎⵉⵜⴰⵔ ⵅⴼ ⵉⵎⵄⵉⵏⵏ, ⵉ ⵉⵙⵏⵉⴼⵉⵍⵏ ⵉⵣⴷⵉⵏ ⴷ ⵓⵎⵏⴰⴹ ⴰⴱⵕⵔⴰⵏⵉ ⵏ ⵜⵉⵎⵍ ⴷ ⵜⵓⴳⵉⵡⵉⵏ ⵜⵉⴱⵉⴷⴰⵖⵓⵊⵉⵏ ⴷ ⵜⵉⵏⵏⴰ ⵉⵣⴷⵉⵏ ⴷ ⵓⵏⴰⴹ, ⵔⵏⵓ ⵢⴰⵙⵏ ⴰⵙⵜⴰⵍ ⵏ ⵜⵕⵡⵉ ⵏ ⵓⵏⵣⵡⵉ ⴰⵏⵎⵍⴰⵏ ⴷ ⵓⴷⵔⵉⵣ ⵏⵏⵙ ⵅⴼ ⵉⵎⵄⵉⵏⵏ ⵏ ⵉⵏⵍⵎⴰⴷⵏ ⴷ ⵜⵏⵍⵎⴰⴷⵉⵏ, ⴰⵢⴰ ⵔⴰⴷ ⵉⴼⴽ ⵜⵉⵔⵎⵜ ⵏ ⵓⵙⵔⵓⵙ ⵏ ⵜⵏⵎⵎⴰⵍⵉⵏ ⵉ ⵜⵢⴰⴼⵓⵜⵉⵏ, ⵜⵉⵎⵙⵖⴰⵔⵓⵜⵉⵏ ⴷ ⵉⵟⵟⴰⴼⵏ ⵉⵙⴰⵖⵓⵍⵏ, ⴷⴰⵜ ⵡⴰⵍⵍⵏ ⵏ ⵡⵉⵏⵏⴰ ⵉⵜⵜⴰⵙⵉⵏ ⵜⵉⵖⵜⴰⵙⵉⵏ ⴷ ⵉⵎⵉⵏⵉⴳⵏ ⴷ ⵉⵎⴰⵣⵣⴰⵍⵏ ⵉⵙⴳⵎⴰⵏⵏ,ⴳ ⵓⵡⵜⵜⴰⵙⵏ ⵓⴹⴼⴼⵓⵕ ⵉⴳⵣⵉⵏ ⵉ ⵓⵙⵎⵓⵙⵙ ⵏ ⵜⵎⵓⵖⵍⵉ ⵜⴰⵙⵟⵕⴰⵜⵉⵊⵉⵜ ⵏ ⵓⵙⵓⵖⴷ.
ⵜⴻⵜⵜⵓⵙⵜⵉ ⵜⵓⵙⵙⵉⴼⵜ ⵉⵜⵜⵡⴰⵜⵙⵏ ⴳ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵜⴰⵍ ⵏ ⵉⵎⵄⵉⵏⵏ ⵏ ⵉⵏⵍⵎⴰⴷⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⴳⴳⵯⴰⵙ ⵡⵉⵙⵙ ⵙⴹⵉⵙ ⵏ ⵓⵙⵍⵎⴷ ⴰⵎⵏⵣⵓ ⵙ ⵓⵙⵡⵓⵔⵉ ⵏ ⴱⵟⵟⵓ ⴰⵙⵡⵉⵔⴰⵏ ⴰⵎⴰⴽⴰⵣ ⵅⴼ ⵢⵉⴳⵔ ⵏ ⵓⵙⵍⵎⴷ (ⴰⴳⴷⵓⴷⴰⵏ / ⵓⵙⵍⵉⴳ) ⴷ ⵅⴼ ⵜⵎⵏⴰⴹⵉⵏ, ⴳ ⵜⵙⴳⴰ ⵢⴰⴹⵏ, ⵉⵜⵜⵓⵙⵜⵉ ⴱⵟⵟⵓ ⴰⵙⵡⵉⵔⴰⵏ ⴰⴼⵙⵜⴰⵢ ⵅⴼ ⵡⴰⵎⵎⴰⵙ (ⴰⴳⴰⵎⴰⵏ / ⴰⵖⵔⵎⴰⵏ), ⵍⵍⵉⴳ ⵙⵙⴽⵏⵏⵜ ⵜⵎⵥⵍⵉⵢⵉⵏ ⴷ ⵓⵎⴳⴳⴰⵔⵓ ⵢⴰⴷ 12 ⵏ ⵉⴳⵣⵣⵓⵎⵏ ⵉⵎⴰⴽⴰⵣⵏ ⵉⴱⴹⴰⵏ ⴰⵎ ⵓⵢⴰⴷ:
– ⴱⵟⵟⵓ ⴰⵏⵎⵍⴰⵏ ⵉⵣⴷⵉⵏ ⴷ ⵜⵉⵏⵎⴰⵍ ⵜⵓⵙⵍⵉⴳⵉⵏ (ⵅⴼ ⵓⵙⵡⵉⵔ ⴰⵏⴰⵎⵓⵔ), ⴷ ⵓⵡⵜⵜⴰⵙ ⵏ ⴰⴷ ⵜⵜⵓⵃⴹⵓⵏ ⵉⵎⵥⵍⵉⵢⵏ ⵏⵏⵙ ⴷ ⴰⴷ ⵉⵜⵜⵓⴹⵎⵏ ⵓⵎⵙⴰⵙⴰ ⵓⴳⴰⵔ ⴳⵔ ⵉⴳⵣⵣⵓⵎⵏ ⵉⵙⵡⵉⵔⴰⵏⵏ;
– ⴱⵟⵟⵓ ⴰⵙⵡⵉⵔⴰⵏ ⵉⵣⴷⵉⵏ ⴷ ⵜⵉⵏⵎⴰⵍ ⵜⵉⴳⵔⴰⵡⴰⵏⵉⵏ (ⵅⴼ ⵓⵙⵡⵉⵔ ⴰⵏⴰⵎⵓⵔ), ⴳ ⵓⵡⵜⵜⴰⵙ ⵏ ⵜⴰⵡⵏⴰ ⵅⴼ ⵢⵉⵔⵎ ⴰⴷ ⴷ ⵓⵙⵜⴰⵍ ⵏ ⵜⵕⵡⵉ ⵏⵏⵙ;
– 10 ⵏ ⵉⴳⵣⵣⵓⵎⵏ ⵉⵙⵡⵉⵔⴰⵏⵏ ⵉⵣⴷⵉⵏ ⴷ ⵜⵉⵏⵎⴰⵍ ⵜⵉⴳⴷⵓⴷⴰⵏⵉⵏ ⵓⵔ ⵉⴳⵉⵏ ⵜⵉⴳⵔⴰⵡⴰⵏⵉⵏ ⵉⴱⴹⴰⵏ ⵅⴼ ⵜⵎⵏⴰⴹⵉⵏ.

ⴰⴳⴰⵎ ⵜⴰⵏⴰⴹⵜ

[dflip id=”12334″][/dflip]

ⴷⴼⴼⵉⵕ ⴰⵥⵕⴰⴳ ⵏ ⵍⴰⵟⵍⴰⵚ ⴰⵏⵎⵎⴰⵍ ⴷ ⵓⴽⴰⵕⴹⴰⵏ ⵏ ⵜⵙⵏⵙⵉ ⵜⴰⵎⵔⴰⵡⵜ ⵏ ⵜⵏⵜⵜⴰⵎⵜ ⴳ 2014 ⴷ ⵍⴰⵟⵍⴰⵚ ⴰⵎⴰⴳⵔⴰⵏ ⴰⵎⵓⵔⴰⵏ ⴷ ⵉⵏⴱⴹⴰⵢⵏ ⴳ ⵓⵙⴳⵎⵉ 2017 ⴷ ⵍⴰⵟⵍⴰⵚ ⴰⵎⴰⴳⵔⴰⵏ ⵏ ⵓⵙⵍⵎⴷ ⵓⵙⵍⵉⴳ ⴳ 2018 ⴷ ⵍⴰⵟⵍⴰⵚ ⴰⵎⴰⴳⵔⴰⵏ ⵏ ⵢⵉⴼⵍ ⴰⵏⵎⵍⴰⵏ ⴳ 2019, ⴷⴰ ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵓⵙⵜⴰⵍ ⵖⵓⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ, ⵍⴰⵟⵍⴰⵚ ⴰⵏⵎⵏⴰⴹ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵜⴰⵍ ⵏ ⵉⵎⵄⵉⵏⵏ ⵏ ⵉⵏⵍⵎⴰⴷⵏ PNEA-2019, ⵜⵎⵓⵏ ⴷ ⵍⴰⵟⵍⴰⵚ ⴰⴷ, ⵜⴰⵏⴰⴹⵜ ⵜⴰⵙⴼⵙⴰⵢⵜ ⵏ ⵓⵖⴰⵡⴰⵙ PNEA-2019 ⵎⴰⵛⴰ ⵙ ⵓⵎⵣⴰⵔⴰⵢ ⴷ ⵓⵎⴳⴳⴰⵔⵓ ⵢⴰⴷ, ⵏⵏⴰ ⵉⵙⵜⴰⵍⵏ ⵉⵎⵄⵉⵏⵏ ⵅⴼ ⵓⵙⵡⵉⵔ ⴰⵏⴰⵎⵓⵔ, ⵉⵙⵎⴽⵍ ⵍⴰⵟⵍⴰⵚ ⴰⵏⵎⵏⴰⴹ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵜⴰⵍ ⵏ ⵉⵎⵄⵉⵏⵏ ⵏ ⵉⵏⵍⵎⴰⴷⵏ PNEA-2019 ⴳ ⵓⵎⵣⵡⴰⵔⵓ ⵙ ⵓⵙⵡⵉⵔ ⴰⵏⵎⵏⴰⴹ ⴰⵛⴽⵓ ⴷⴰ ⵉⵎⵎⴰⵍ ⵉ ⵉⵎⵖⵔⵉ ⵜⵉⴽⴰⵕⴹⵉⵡⵉⵏ ⴷ ⵡⵓⵏⵓⵖⵏ ⵏⵏⴰ ⵉⵜⵜⵓⵙⴽⵔⵏ ⵙ ⵜⵖⴰⵔⴰⵙⵜ ⵏⵏⴰ ⵉⵜⵜⴰⴷⵊⴰⵏ ⴰⴷ ⵜⵜⵓⵙⴽⵔⵏⵜ ⵜⵎⵣⴰⵣⴰⵍⵉⵏ ⴷ ⵓⵙⴳⵣⵍ ⵏ ⴽⵉⴳⴰⵏ ⵏ ⵉⵏⵖⵎⵉⵙⵏ, ⴷ ⵓⵙⴽⴰⵔ ⵏ ⵜⵖⵓⵔⵉ ⵉ ⵉⵙⴼⴽⴰ ⵉⵙⵎⴽⵜⴰⵢⵏ ⵙ ⵜⵖⵎⵔⵉⵏ ⵉⴳⴳⵓⵜⵏ. ⵢⴰⴷⴷ ⵍⴰⵟⵍⴰⵙ ⴰⴷ ⵅⴼ ⵜⵓⵙⵏⴰⴽⵜ ⴷ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ ⵏⵏⴰ ⵉⵣⵎⵎⴻⵎⵏ ⵉⵎⵣⴰⵔⴰⵢⵏ ⵉⵅⴰⵜⴰⵔⵏ ⴳ ⵓⵙⵡⵉⵔ ⴰⵏⵎⵏⴰⴹ ⵍⵍⵉⴳ ⴷⴰ ⵉⵙⵙⴽⴰⵏ ⴰⵣⴷⴰⵢ ⵏ ⵉⵎⵄⵉⵏⵏ ⵏ ⵉⵏⵍⵎⴰⴷⵏ ⴰⴽⴷ « ⴰⵙⵡⵉⵔ ⴰⵏⴰⵎⵓⵏ ⴷ ⵓⴷⴰⵎⵙⴰⵏ » ⴷ « ⵓⵙⵡⵉⵔ ⵏ ⵓⵙⵡⵓⴷⴷⵓ ⵏ ⵜⵖⴰⵔⵉⵡⵉⵏ ⴳ ⵜⴷⴰⵍⴰ ⵏ ⵜⵖⵓⵔⵉ ». ⵙⵜⵖⴹⴼⵜ ⵉ ⵜⵉⴳⵓⵜ ⵏ ⵉⵏⵖⵎⵉⵙⵏ ⵏⵏⴰ ⵉⵍⵍⴰⵏ ⴳ ⵍⴰⵟⵍⴰⵚ ⴰⴷ ⵏⵏⴰ ⵉⵖⵉⵢⵏ ⴰⴷ ⵢⴰⵡⵙ ⴳ ⵜⵖⵓⵔⵉ ⵏⵏⵙ ⵉ ⵡⵉⵏⵏⴰ ⵓⵔ ⵉⴳⵉⵏ ⵉⵎⵓⵣⴰⵢ, ⴰⵎⴳⴳⴰⵔⵓ ⵢⴰⴷ ⴷⴰ ⵉⵙⵙⴽⴰⵏ ⴰⵏⵎⵎⴰⵍ ⵉ ⵜⵖⵓⵔⵉ ⵏ ⵜⴽⴰⵕⴹⵉⵡⵉⵏ ⴷ ⵡⵓⵏⵓⵖⵏ ⵉⵏⵎⵎⴰⵍⵏ ⵏⵏⴰ ⵉⵙⵙⵉⴽⵣⵏ ⴰⵏⴰⵡ ⵏ ⵓⵙⵎⵣⴰⵣⴰⵍ ⴷ ⵜⵖⵓⵔⵉⵡⵉⵏ ⵏⵏⴰ ⵉⵖⵉⵢⵏ ⴰⴷ ⵉⵜⵜⵓⴳ.

ⴰⴳⴰⵎ ⵜⴰⵏⴰⴹⵜ

[dflip id=”12327″][/dflip]

ⴷⴰ ⵉⵙⵏⵎⴰⵍⴰ ⵓⵖⴰⵡⴰⵙ ⴰⴷ ⵜⵉⵢⴰⴼⵓⵜⵉⵏ ⵏ ⵜⵖⵓⵔⵉ ⵏⵏⴰ ⵉⵜⵜⵓⵙⴽⵔⵏ ⵙⴳ ⵖⵓⵔ ⵓⴳⵔⴰⵡ ⴰⵏⴰⵎⵓⵔ ⵏ ⵓⵙⵓⵜⴳ ⵖⵓⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⵅⴼ « ⵜⴰⵣⵣⵓⵍⵜ ⵏ ⵓⵙⵍⵎⴰⴷ ⴳ ⵍⵎⵖⵔⵉⴱ : ⵙ ⵓⵙⴼⴰⵡ ⵏ ⵓⵙⵎⵣⴰⵣⴰⵍ ⴰⵎⴰⴹⵍⴰⵏ ».
ⴰⵡⵜⵜⴰⵙ ⵏ ⵜⵖⵓⵔⵉ ⵢⴰⴷ ⵉⴳⴰ ⴰⵙⵜⴰⵍ ⵏ ⵉⵖⴰⵡⴰⵙⵏ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⵣⴷⵉⵏ ⴷ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⵏ ⵓⵙⵍⵎⴷ ⴳ ⵓⵡⵜⵜⴰⵙ ⵏ ⵓⵙⵖⴰⵍ ⵏ ⵜⵕⵡⵉ ⵏⵏⵙⵏ ⴷ ⵓⵎⵢⴰⵎⴰⵥ ⵏⵏⵙⵏ ⴷ ⵓⵙⵡⵓⵔⵉ ⵏⵏⵙⵏ ; ⴷ ⵓⵙⴽⴰⵏ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵍⵍⵉⴳ ⴳⴰⵏ ⵉⵎⴳⴳⴰⵢⵏ ⵉⴷⵙⵍⴰⵏⵏ. ⴷ ⵓⵙⴼⵙⵢ ⵏ ⵓⵏⵣⴰⵖ ⵏ ⵜⴰⵣⵣⵓⵍⵜ ⵏ ⵓⵙⵍⵎⴷ ⵉ ⵉⵏⵍⵎⴰⴷⵏ, ⴷ ⵜⵖⴰⵔⴰⵙⵉⵏ ⵏ ⵓⵙⵜⴰⵢ ⵏ ⵉⵙⵍⵎⴰⴷⵏ ⴷ ⵓⵙⵡⵓⵔⵉ ⵏⵏⵙⵏ, ⴷ ⵓⵙⵎⵓⵜⵜⴳ ⵏⵏⵙⵏ, ⴷ ⵡⴰⴽⴰⵎ ⵏⵏⵙⵏ, ⴷ ⵓⵙⵡⵓⴷⴷⵓ ⵏ ⵜⵖⴰⵔⴰⵙⵜ ⵏⵏⵙⵏ ⵜⴰⵣⵣⵓⵍⴰⵏⵜ, ⴷ ⵓⵙⵙⵎⵖⵔ ⵙ ⵜⵓⴷⵔⵜ ⵏⵏⵙⵏ ⵜⴰⵏⵉⵎⴰⵏⵜ ⴷ ⵜⴰⵣⵣⵓⵍⴰⵏⵜ; ⵙ ⵡⴰⵜⵜⴰⴳ ⵅⴼ ⵉⵙⴼⴽⴰ ⵉⴱⴰⵔⴰⵣⵏ, ⴷ ⵉⴹⵕⵉⵚⵏ ⵉⵙⵏⵎⴰⵍⴰⵏⵏ, ⴷ ⵓⵎⵣⴰⵣⴰⵍ ⵏⵏⵙⵏ ⴷ ⵉⵍⵓⴳⵏⵏ ⵉⵎⴰⴹⵍⴰⵏⵏ.

ⴰⴳⴰⵎ ⵜⴰⵏⴰⴹⵜ

[dflip id=”12313″][/dflip]

ⵉⵙⵙⴽⵔ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵓⵜⴳ ⵏ ⵉⵎⵄⵉⵏⵏ (PNEA) ⵢⴰⵜ ⵜⵖⵓⵔⵉ ⵜⴰⵎⵣⴰⵣⴰⵍⵜ ⵉ ⵜⵉⵏⵎⴰⵍ ⵜⵉⴳⵔⴰⵡⴰⵏⵉⵏ ⴷ ⵜⵉⵏⵎⴰⵍ ⵜⴰⵢⴰⵡⵉⵏ. ⵜⴻⵜⵜⵓⵙⴽⵔ ⵜⵖⵓⵔⵉ ⵢⴰⴷ ⵅⴼ ⵢⴰⵜ ⵜⵓⵙⵙⵉⴼⵜ ⴳ ⵍⵍⴰⵏ 1447 ⵏ ⵓⵏⵍⵎⴰⴷ ⴷ ⵜⵏⵍⵎⴰⴷⵜ ⵉⴱⴹⴰⵏ ⵅⴼ 49 ⵏ ⵜⵉⵏⵎⵍ ⵜⴰⴳⵔⴰⵡⴰⵏⵜ, ⴷ 1469 ⵏ ⵉⵏⵍⵎⴰⴷⵏ ⵉⴱⴹⴰⵏ ⵅⴼ 68 ⵏ ⵜⵉⵏⵎⵍ ⵜⴰⵢⴰⵡⵜ, ⵜⴻⵜⵜⵓⵙⴽⵔ ⵜⵖⵓⵔⵉ ⵏ ⵓⵎⵎⵓⵜⵢ ⵙⴳ ⵜⵓⵏⵎⵍ ⵜⴰⵢⴰⵡⵜ ⵖⵔ ⵜⵉⵎⵍ ⵜⴰⴳⵔⴰⵡⴰⵏⵜ ⴷⴼⴼⵉⵔ ⴰⵙⵎⴰⴷ ⵏ ⵜⵎⵣⵡⴰⵔⵓⵜ ⵉ ⵜⵙⵎⵉⴳⵍⵜ ⵏⵏⵙ ⴷ ⵓⴱⴰⵢⵏ ⵏ ⵉⵡⵜⵜⴰ ⵏⵏⵙ ⴷ ⵉⵎⵣⴰⴳⴰⵍⵏ ⵏⵏⵙ ⴷ ⵢⵉⴽⵣ ⵏ ⵉⵙ ⴳⴰⵏⵜ ⵜⵉⵏⵎⴰⵍ ⵜⵉⴳⵔⴰⵡⴰⵏⵉⵏ ⴰⵙⵜⴰⵢ ⵉⵕⵡⴰⵏ. ⵉⵜⵜⵓⵙⴽⵔ ⵓⵎⵣⴰⵣⴰⵍ ⴳⵔⴰⵙⵏⵜ ⵅⴼ ⵓⵙⵡⵉⵔ ⵏ ⵓⵙⴰⵜⵉ ⴰⵏⴰⵎⵓⵏ ⴷ ⵓⴷⴰⵎⵙⴰⵏ, ⴷ ⵅⴼ ⵓⵙⵡⵉⵔ ⵏ ⵜⵔⴰⵔⵓⵜ ⵜⴰⵏⵎⵍⴰⵏⵜ (ⵉⵎⵄⵉⵏⵏ ⵏ ⵉⵏⵍⵎⴰⴷⵏ ⴳ ⵜⵓⵜⵍⴰⵢⵉⵏ ⴷ ⵜⵓⵙⵙⵏⵉⵡⵉⵏ ⴷ ⵜⵓⵙⵏⴰⴽⵜ) ⵉ ⴽⵓ ⵢⴰⵜ ⴷⵉⴳⵙⵏⵜ, ⵉⵜⵜⵓⵡⴰⴽⵣ ⵉⵙ ⵉⵔⵎ ⵏ ⵜⵉⵏⵎⴰⵍ ⵜⵉⴳⵔⴰⵡⴰⵏⵉⵏ ⴷ ⵓⵎⵏⵉⴷ ⵏ ⵓⵙⵙⴳⵎ ⵏⵏⵙⵏⵜ ⵅⴼ
ⵓⵙⵡⵉⵔ ⵏ ⵓⵙⵡⵓⵔⵉ ⴰⵙⴳⵎⴰⵏ ⴷ ⵓⵎⵙⵙⵓⴳⵓⵔ ⴷ ⵓⵣⴷⴰⵢ ⴰⴽⴷ ⵡⴰⵎⵓⵏ ⴰⴷⵖⵔⴰⵏ.
p style=”text-align: justify;”>ⴰⴳⴰⵎ ⵜⴰⵏⴰⴹⵜ

[dflip id=”12293″][/dflip]

ⵜⴳⴰ ⵜⴰⵏⴰⴹⵜ ⴰⴷ ⵜⴰⵎⴳⴳⴰⵔⵓⵜ ⵅⴼ ⵜⵖⵓⵔⵉ ⵏⵏⴰ ⵉⵙⵙⴽⵔ ⵓⴳⵔⴰⵡ ⴰⵏⴰⵎⵓⵔ ⵏ ⵓⵙⵓⵜⴳ ⵖⵓⵔ ⵓⵙⵇⵇⵉⵎ ⴰⵎⴰⵙⵙⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⵙ ⵜⵎⴷⵔⴰⵡⵜ ⴰⴽⴷ ⵍⵢⵓⵏⵉⵙⵉⴼ ⵅⴼ « ⴰⵙⵍⵎⴷ ⴳ ⵓⵣⵎⵣ ⵏ ⴽⵓⴼⵉⴷ ⴷ ⵍⵎⵖⵔⵉⴱ », ⵢⴰⵏ ⵡⴰⴽⴰⵣ ⵉ ⵢⵉⵔⵎ ⵏ ⵉⵙⵍⵎⴰⴷⵏ ⴷ ⵉⵏⵍⵎⴰⴷⵏ ⴰⴽⴷ ⴰⵏⴰⵡ ⵏ ⵓⵙⵍⵎⴷ ⵙⴳ ⵎⴰ ⵢⴰⴳⴳⵓⴳⵏ, ⴷ ⵓⵙⵏⵉⵎⴰⵍ ⵏ ⵉⵎⵏⵉⴷⵏ ⵏ ⵡⴰⵏⴰⵡ ⴰⴷ ⵏ ⵓⵙⵍⵎⴷ ⴳ ⵍⵎⵖⵔⵉⴱ, ⴷ ⵓⵢⵏⵏⴰ ⵢⴰⴽⴽⵯ ⵉⵙⵙⵓⵜⵓⵔ ⵓⵢⵏⵏⴰ ⴳ ⵓⵙⵙⵓⵊⴷ ⵏ ⴷⴼⴼⵉⵔ ⴰⵟⵟⴰⵏ, ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵣⵓⵛⵛⵍ ⵏ ⵓⵎⵎⵓⵜⵢ ⴰⵎⵓⵟⵟⵓⵏ ⴳ ⵓⵏⴳⵔⴰⵡ ⴰⵙⴳⵎⴰⵏ, ⴷⵉⵖ ⴰⵡⴷ, ⵉ ⵢⵉⵡⴹ ⵖⵔ ⵉⵡⵜⵜⴰⵙⵏ ⵉⵅⴰⵜⴰⵔⵏ ⵏ ⵓⵙⵓⵖⴷ ⴰⵙⴳⵎⴰⵏ ⴳ ⵜⵎⵓⵔⵜ ⵏⵏⵖ.
href=”https://www.csefrs.ma/wp-content/uploads/2021/11/Rapport-Enseignement-au-temps-de-COVID.pdf” target=”_blank” rel=”noopener”>ⴰⴳⴰⵎ ⵜⴰⵏⴰⴹⵜ (ⵉⵍⵍⴰ ⵖⴰⵙ ⵙ ⵜⵓⵜⵍⴰⵢⵜ ⵜⴰⴼⵔⴰⵏⵙⵉⵙⵜ)

ⴰⴳⴰⵎ ⵏ ⵜⴳⴹⵡⵉⵜ

ⵉⴳⴰ ⵓⵙⵜⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ ⵙ ⵡⴰⴷⴰⴼ ⵉⵜⵜⵓⴳⵓⵎⵔⵏ ⴰⵙⵖⵣⴼ ⴰⴳⴰⵎⴰⵏ ⵉ ⵓⵙⵓⵜⴳ ⵏⵏⴰ ⵉⵜⵜⵓⵙⴽⵔⵏ ⴰⵙⴳⴳⵯⴰⵙ ⵏ 2018, ⵉ ⵢⵉⴽⵏ ⵏⵏⵙ ⴰⵙⵍⵎⴷ ⴰⵏⴰⴼⵍⵍⴰ ⵙ ⵡⴰⴷⴰⴼ ⵉⵏⵏⵓⵕⵥⵎⵏ, ⴰⵡⴷ ⴷⵉⵖ ⵜⴰⵏⴰⴹⵜ ⵜⴰⵙⴳⵓⵎⴰⵏⵜ ⵏⵏⴰ ⵉⵙⵎⵓⵏⵏ ⴰⵙⵜⴰⵍ ⵏ ⵜⵖⵉⵡⴰⵏⵉⵏ ⵎⵉ ⴳⴳⵓⵜⵏⵜ ⵜⵎⵥⵍⵉⵢⵉⵏ.
ⴷⴰ ⵉⵙⵎⵏⵉⴷ ⵓⵙⵜⴰⵍ ⴰⴷ ⵢⴰⵏ ⵓⵙⴼⵙⵢ ⴰⵎⴰⵖⵓⴷ, ⴰⵙⵎⴽⵜⴰⵢ ⴷ ⵓⵎⴰⵏⴰⵡ, ⵉ ⵜⵎⵓⵖⵍⵉ ⵜⴰⵎⵉⵔⴰⵏⵜ ⵏ ⵓⵏⴳⵔⴰⵡ ⵏ ⵓⵙⵍⵎⴷ ⴰⵏⴰⴼⴰⵍⵍⴰ ⴱⵓ ⵡⴰⴷⴰⴼ ⴰⵡⵜⵜⴰⵢ, ⴷ ⵜⵔⵙⴰⵍ ⵏⵏⵙ ⵉⵜⵜⵓⵙⵔⵙⵏ (ⴰⵙⵓⴳⵔ ⴷ ⵜⴰⵣⵣⵓⵍⵜ), ⵔⵏⵓ ⵢⴰⵙ ⵜⵉⴳⵎⵉ ⵏⵏⵙ. ⴰⵔ ⵉⵜⵜⵉⵏⵉⴳ ⴰⵎⵎⴰⵙⵏ ⵏ ⵡⴰⴷⴰⴼ ⵏⵏⴰ ⵉⵣⵎⵎⴻⵎ ⴳ ⵓⴳⴰⴷⴰⵣ ⵏ ⵜⵡⵓⵔⵉ, ⴷ ⵜⵣⵎⵔⵜ ⵏⵏⵙ ⵅⴼ ⵓⵏⵣⴰⵖ ⵏ ⵉⵏⵍⵎⴰⴷⵏ ⵉⴱⵕⵕⴰⵏⵉⵢⵏ, ⵔⵏⵓ ⵉ ⵓⵙⵜⴰⵍ ⵏ ⵓⵏⴳⵔⴰⵡ ⵏⵏⵙ ⴰⴱⵉⴷⴰⵖⵓⵊⵉ ⴰⵢⵓⴳⴰⵏ : « ⵉⵎⵉⵔ ⴰⵎⴰⴳⵏⵓ » ⴷ « ⵉⵎⵉⵔ ⵏ ⵜⵓⵔⴰⴳⵜ, ⵎⴰⵙⵟⵔ, ⴷⵓⴽⵜⵓⵕⴰ ».
ⵔⵏⵓ ⵉ ⵓⵢⴰⴷ, ⴷⴰ ⵉⵔⵣⵣⵓ ⵓⵙⵜⴰⵍ ⴰⴷ ⴳ ⵡⴰⵜⵉⴳ ⵏ ⵓⵣⵓⵣⵣⵔ ⴰⵎⵓⵔⴰⵏ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵏ ⵡⴰⴷⴰⴼ ⴰⵡⵜⵜⴰⵢ, ⴷ ⵓⵙⵅⵉⵜⵔ ⵏ ⵢⵉⴳⵔ ⵏⵏⵙ, ⴷ ⵓⵢⵏⵏⴰ ⴷ ⵢⵉⵡⵉ ⴳ ⵉⵎⵓⵙⵙⵓⵜⵏ ⵏ ⵉⵏⵍⵎⴰⴷⵏ ⴳⵔ ⵜⵎⵏⴰⴹⵉⵏ. ⵓⵔ ⵉⴱⴷⴷⵉ ⵓⵙⵜⴰⵍ ⵅⴼ ⵓⵙⵙⴽⴰⵏ ⵏ ⵜⵙⴽⵔⵉⵡⵉⵏ, ⴷ ⵜⵎⵥⵍⴰⵢ ⵏ ⵓⵏⴳⵔⴰⵡ ⵏ ⵡⴰⴷⴰⴼ ⴰⵡⵜⵜⴰⵢ, ⴷ ⵉⵙⵙⵓⵔⵓⵜⵏ ⵉⵥⵕⴼⴰⵏⵏ ⵏⵏⴰ ⵢⴰⵙ ⵢⵓⴷⵊⴰ ⵓⵡⴰⵏⴽ, ⴷ ⵜⵢⴰⴼⵓⵜⵉⵏ ⵏⵏⵙ ⵜⵉⴳⵓⵏⵙⴰⵏⵉⵏ ⴷ ⵜⴱⵕⵕⴰⵏⵉⵢⵉⵏ, ⵎⴰⵛⴰ ⵉⴹⴰⴼ ⴰⵡⴷ ⵜⵉⵏⵥⵕⵉⵏ ⵜⵉⴷⵙⵍⴰⵏⵉⵏ ⵏⵏⴰ ⵉⵍⵍⴰⵏ ⴷⴰⵜ ⵓⵏⴳⵔⴰⵡ ⵏ ⵡⴰⴷⴰⴼ ⴰⵡⵜⵜⴰⵢ ⴷ ⵜⵖⴰⵔⴰⵙⵉⵏ ⵏ ⵓⵎⵄⴰⵏ ⵏ ⵉⵎⵄⵉⵏⵏ, ⵙ ⵓⵏⵣⴰⵍ ⴰⵙⵟⵕⴰⵜⵉⵊⵉ ⴳ ⵓⴱⵔⵉⴷ ⵏ ⵓⵙⵎⵓⵏ ⴷ ⵓⵎⵙⴰⵙⴰ ⵏ ⵓⵙⵍⵎⴷ ⴰⵏⴰⴼⵍⵍⴰ ⴰⵎⵖⵔⴰⴱⵉ, ⵙ ⵓⵙⴼⴰⵡ ⵏ ⵉⵣⵓⵔⵜⵏ ⵉⵎⴰⴹⵍⴰⵏⵏ ⵉⵎⵓⵔⵙⵏ. ⴰⴷ ⵏⵙⵙⴽⵏ ⴷⴰ ⵉⵙ ⴷⴰ ⵜⵜⵉⵏⵉⴳ ⵜⵖⵓⵔⵉ ⵢⴰⴷ ⴳ ⵥⵕⵉⵏ ⵏ ⵓⵏⴳⵔⴰⵡ ⵏ ⵡⴰⴷⴰⴼ ⴰⵡⵜⵜⴰⵢ ⵙⴳ ⵜⵎⵓⵖⵍⵉ ⵜⴰⵙⵟⵕⴰⵜⵉⵊⵉⵜ ⵏⵏⴰ ⵉⵙⵜⵉ ⵓⵏⴳⵔⴰⵡ ⵏ ⵓⵙⵍⵎⴷ ⴰⵏⴰⴼⵍⵍⴰ ⴰⵎⵖⵔⴰⴱⵉ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵎⵙⴰⵙⴰ ⵏ ⵜⵓⵎⴰⵢⵉⵏ ⵏⵏⵙ ⴷ ⵓⵙⵎⵓⵏ ⵏⵏⵙⵏⵜ.

ⴰⴳⴰⵎ ⵜⴰⵏⴰⴹⵜ

ⵙ ⵓⵏⵓⵔⵣ ⵏ ⵓⵙⴷⵓⵙ ⵏ ⵉⵙⵎⵏⵉⴷⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⴳⵎⵉ ⴰⵎⴰⴷⴰⴼ, ⴷ ⵜⵎⵔⴰⵔⵓⵜ ⵏ ⵉⵙⵖⵍⴰⴼ ⵏ ⵜⴰⵏⵏⴰⵢⵜ ⵜⴰⵙⵟⵕⴰⵜⵉⵊⵉⵜ 2015-2030 (ⵜⴰⵎⵙⵙⵉⵍⵉⵜ 4), ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵓⵙⵓⵜⴳ ⵖⵓⵔ ⵓⵙⵇⵇⵉⵎ, ⵙ ⵜⵎⴷⵔⴰⵡⵜ ⴰⴽⴷ ⵍⵓⵏⵉⵙⵉⴼ, ⵓⴰⵜ ⵜⵉⵏⴰⵡⵜ ⵜⴰⵎⴰⴹⵍⴰⵏⵜ ⵅⴼ ⵓⵙⴳⵓⵎ ⵏ «  ⴰⵣⵔⴼ ⴳ ⵓⵙⴳⵎⵉ ⴰⵎⴰⴷⴰⴼ, ⴰⵎⵓⵜⵜⵢ ⵏ ⵓⵏⴰⵎⴽ ⴷ ⵓⵙⵏⴼⵍ ⵏ ⵜⵎⵙⴽⴰⵔ ⴷ ⵉⵎⵙⴰⵔⴰⵙⵏ ⵏ ⵓⵙⵜⴰⵍ » ⵓⵙⵙⴰⵏ ⵏ 7 ⴷ 8 ⵢⵏⵏⴰⵢⵔ 2019 ⴳ ⵓⵙⵖⵉⵎ ⵏ ⵓⵙⵇⵇⵉⵎ.

ⴰⵎⵓⵏ ⴳ ⵜⵉⵏⴰⵡⵜ ⴰⴷ ⵉⵎⵓⵣⴰⵢ ⵉⵎⴰⴹⵍⴰⵏⵏ ⴳ ⵢⵉⴳⵔ ⵏ ⵓⵙⴳⵎⵉ ⴷ ⵓⵙⵏⵎⵍ ⵏ ⵉⵛⵉⵔⵔⴰⵏ ⵉⵍⵍⴰⵏ ⴳ ⵡⴰⴷⴷⴰⴷ ⵏ ⵓⴽⴽⵓⵛⵎ.  ⴳⴰⵏⵜ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⵢⴰⵏ ⵓⵙⴰⵢⵔⴰⵔ ⵏ ⵓⵎⵙⴳⴷⴰⵍ ⴷ ⵓⵎⵔⴰⵔⴰ ⵏ ⵉⵏⵖⵎⵉⵙⵏ ⵅⴼ ⴽⵉⴳⴰⵏ ⵏ ⵢⵉⴳⵉⵜⵏ ⴳ ⵢⵉⴳⵔ ⴰⴷ, ⵜⵕⵥⵎ ⴷⵉⵖ ⵜⵉⵏⴰⵡⵜ ⴰⴷ ⵉⵎⵏⵉⴷⵏ ⵏ ⵓⵙⵡⵉⵏⴳⵎ ⵉⵛⵛⴰⵔⵏ ⵅⴼ ⵉⵙⴰⴷⴰⴼⵏ ⵉⵖⵉⵢⵏ ⴰⴷ ⵢⵉⵍⵉ ⴷ ⵡⵉⵏⵏⴰ ⵉⵜⵜⵓⵙⵍⵡⵓⵏ ⴷ ⵉⵕⵡⴰⵏ, ⴳ ⵓⵡⵜⵜⴰⵙ ⵏ ⵓⵙⴷⵓⵙ ⴰⵎⵔⵙⴰⵍ ⵏ ⵓⵙⴳⵎⵉ ⴰⵎⴰⴷⴰⴼ ⴳ ⵍⵎⵖⵔⵉⴱ.

ⵜⵉⵎⴷⵔⴰⵡⵉⵏ ⴰⴽⴽⵯ ⵜⵉⵎⴰⵙⵙⴰⵏⵉⵏ ⴷ ⵜⴰⵏⵏⴰⵢⵉⵏ ⴷ ⵜⵎⵢⴰⴷⴰⵙⵉⵏ ⵉⴳⴳⵓⵜⵏ ⵏ ⵜⵉⵏⴰⵡⵜ ⴰⴷ ⴼⴼⵖⵏⵜ ⴷ ⴳ ⵢⴰⵜ ⵜⵥⵕⵉⴳⵜ ⴳ ⵍⵍⴰⵏⵜ ⴰⴽⴽⵯ ⵜⵡⵓⵔⵉⵡⵉⵏ ⵉⵀⵢⵢⴰⵏ ⵏ ⵜⵉⵏⴰⵡⵜ.

 
ⴰⴳⴰⵎ ⵜⵉⵡⵓⵔⵉⵡⵉⵏ ⵏ ⵜⵉⵏⴰⵡⵜ

ⴷⴰ ⵉⵙⵎⵏⵉⴷ ⵍⴰⵟⵍⴰⵚ ⴰⵎⴰⴳⵔⴰⵏ ⴰⵎⵓⵔⴰⵏ ⵏ ⵢⵉⴼⵍ ⴰⵏⵎⵍⴰⵏ ⵜⴰⴽⴰⵕⴹⴰ ⵜⵓⵏⵖⵉⴷⵜ ⵏ ⵢⵉⴼⵍ ⴰⵏⵎⵍⴰⵏ ⴳ ⵍⵎⵖⵔⵉⴱ, ⵜⵓⵎⴰ ⵉ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴰⵙⵡⵉⵔ ⴰⵏⵎⵏⴰⴹ ⴷ ⵓⵙⴳⴰⵡⴰⵏ ⴷ ⵓⴷⵖⵔⴰⵏ. ⴷⴰ ⵉⵙⵎⵏⵉⴷ ⵍⴰⵟⵍⴰⵚ ⴰⴷ ⵜⴰⵖⴰⵔⴰⵙⵜ ⵜⴰⵎⴰⵢⵏⵓⵜ ⵏ ⵓⵙⵉⴹⵏ ⵏ ⵜⵏⵎⵎⴰⵍⵉⵏ ⵏ ⵢⵉⴼⵍ ⵙ ⵜⵖⴹⴼⵜ ⵉ ⵉⵎⵓⵜⵜⵓⵢⵏ ⵏ ⵉⵏⵍⵎⴰⴷⵏ ⴳⵔ ⵜⵎⵏⴰⴹⵉⵏ ⴷ ⴳⵔ ⵢⵉⴳⵔⴰⵏ ⵏ ⵓⵙⵍⵎⴷ ⴰⴳⴷⵓⴷⴰⵏ ⴷ ⵡⵓⵙⵍⵉⴳ ⴰⵔ ⵜⵙⵡⵓⵔⵉ ⵜⵉⵏⵎⵎⴰⵍⵉⵏ ⵜⵉⵙⵎⴽⵜⴰⵢⵉⵏ ⵏ ⵜⵙⵉⵍⴰ ⵏ ⵎⴰⵚⴰⵕ. ⵔⵏⵓ, ⵙ ⵓⵙⵡⵓⵔⵉ ⵏ ⵜⴻⵜⵉⵇⵏⵉⵢⵉⵏ ⵏ ⵓⵙⵎⵉⵍ ⴰⵎⵙⵉⴹⵏ, ⴷⴰ ⵉⵙⵎⵏⵉⴷ ⵍⴰⵟⵍⴰⵚ ⵜⴰⵖⵓⵔⵉ ⵅⴼ ⵉⵙⵓⴼⵖⵏ ⵏ ⵜⵉⴷⵜ ⵏ ⵉⵏⵍⵎⴰⴷⵏ ⵉⵡⵏⴰⵏ ⵏ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⵉⵏⵎⵍⴰⵏⵏ ⵉⵎⴳⴳⵓⵔⴰ ⵅⴼ ⵉⵙⵡⵉⵔⵏ ⴰⵏⵎⵏⴰⴹ ⴷ ⵓⵙⴳⴰⵡⴰⵏ.

ⴰⴳⴰⵎ ⵜⴰⵏⴰⴹⵜ

ⴰⵙⴰⵜⵉ ⵏ ⵜⵡⵓⵔⵉ ⵏⵏⴰ ⴷⴰ ⵏⵙⵎⵏⵉⴷ ⴳ ⵜⴰⵏⴰⴹⵜ ⴰⴷ, ⵉⴳⴰ ⵉⵎⴰⵙⵙⵏ ⵏⵏⴰ ⵉⵙⵙⴽⵔ ⵓⴳⵔⴰⵡ ⴰⵏⴰⵎⵓⵔ ⵏ ⵓⵙⵓⵜⴳ ⵖⵓⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴳ ⵓⵡⵜⵜⴰⵙ ⵏ ⵓⴹⴼⴼⵓⵕ ⵏ ⵓⵙⵎⴽⵍ ⵏ ⵜⵎⵓⵖⵍⵉ ⵜⴰⵙⵟⵕⴰⵜⵉⵊⵉⵜ, ⴰⴽⴷ ⵡⴰⴷⴰⴼ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⵉⵣⴷⵉⵏ ⴷ ⵓⵙⴳⵎⵉ (ODD4), ⵏⵏⴰ ⵎⵉ ⴷ ⵢⵓⵙⴰ ⵓⵎⵏⵉⴷ ⵏⵏⵙ (2030) ⴷ ⵓⵎⵏⵉⴷ ⵏ ⵜⵎⵓⵖⵍⵉ ⵜⴰⵙⵟⵕⴰⵜⵉⵊⵉⵜ.
ⵙ ⵓⵙⵜⴰⵢ ⵏⵏⵙ ⵉ ⴽⵉⴳⴰⵏ ⵏ ⵉⵏⵎⵎⴰⵍⵏ ⵉⵎⵓⵏⵏ, ⵙⴳ ⵉⵍⵓⴳⵏⵏ ⵏ ⵉⵏⵎⵎⴰⵍⵏ ⵉⵎⵙⵙⵓⴳⵓⵔⵏ, ⴷ ⵢⵉⵏⵉⴳⵏ ⵖⵓⵔ ⵜⴰⵡⵊⵉⵡⵉⵏ, ⴷ ⵉⵙⵜⴰⵍⵏ ⵉⵎⴰⴹⵍⴰⵏⵏ ⵉⵣⴷⵉⵏ ⴷ ⵓⵙⵍⵎⴷ ⴰⵏⵎⵍⴰⵏ, ⴷⴰ ⵉⵙⵎⵏⵉⴷ ⵓⵙⴰⵜⵉ ⴰⵎⵉⵔⴰⵏ « ⴰⵏⵎⵎⴰⵍ ⵉ ⵜⴳⵎⵉ ⵏ ⵓⵙⴳⵎⵉ », ⵏⵏⴰ ⵉⴳⴰⵏ ⴰⵏⵎⵎⴰⵍ ⴰⵎⴰⵢⵏⵓ ⵉⵜⵜⵓⵙⵓⵎⵔⵏ ⵉ ⵓⵙⵖⴰⵍ ⵏ ⵓⵙⵡⵉⵔ ⵏ ⵜⴳⵎⵉ ⵜⴰⵙⴳⵎⴰⵏⵜ ⴳ ⵍⵎⵖⵔⵉⴱ ⵏⵏⴰ ⵢⵓⵎⴰⵏ 157 ⵏ ⵓⵏⵎⵎⴰⵍ ⵉⵜⵜⵓⵙⵜⵉⵏ ⵙ ⵓⵡⴰⵍⴰ ⴰⵡⵜⵜⴰⵢ ⵏ ⵜⵓⴳⵜ ⵜⴰⵙⴳⵓⵎⴰⵏⵜ. ⵉⴳⴰ ⴰⵏⵎⵎⴰⵍ ⵓⵙⵏⵉⵢ ⴳ ⵍⵍⴰⵏ ⴽⵕⴰⴹ ⵉⵎⵏⵉⴷⵏ ⵉⴷⵙⵍⴰⵏⵏ, ⴷ 27 ⵏ ⵉⵎⵏⵉⴷⵏ ⴰⵢⴰⵡⵏ. ⴰⵔ ⵙⵙⵖⴹⴰⴼⵏ ⵉⵎⵏⵉⴷⵏ ⴰⴷ ⵅⴼ ⵜⵔⵙⴰⵍ ⵙ ⴽⵕⴰⴹⵜ ⵏ ⵜⵎⵓⵖⵍⵉ ⵜⴰⵙⵟⵕⴰⵜⵉⵊⵉⵜ, ⴷ ⵓⵡⵜⵜⴰⵙ ⵡⵉⵙⵙ ⴽⵓⵥ ⴳ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ. ⴰⵔ ⵉⵙⵙⵉⵡⵉⴹ ⵓⵏⵎⵎⴰⵍ ⴰⵏⴰⵎⵓⵔ ⵏ ⵜⴳⵎⵉ ⵜⴰⵙⴳⵎⴰⵏⵜ ⵖⵔ ⵓⵙⵜⴰⵍ ⵏ ⵡⴰⴷⴷⴰⴷ ⵏ ⵓⵙⴳⵎⵉ ⴷ ⵓⵣⵣⵉⴳⵣ ⵏⵏⵙ ⴷ ⵜⵓⵙⵙⵏⴰ ⵏ ⵉⵙⴰⴳⵎⵏ ⵏ ⵜⵣⵎⵔⵜ ⵏ ⵓⵙⴳⵎⵉ ⴳ ⵍⵎⵖⵔⵉⴱ, ⴷ ⵉⵙⴰⴳⵎⵏ ⵏ ⴳⴰⵔ ⵜⴰⵣⵎⵔⵜ ⵏⵏⵙ.

ⴰⴳⴰⵎ ⵜⴰⵏⴰⴹⵜ