ⵉⵙⵇⵙⵉⵜⵏ ⵉⵎⵢⵓⵔⵏ

ⴰⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⵉⴳⴰ ⵜⴰⵎⵔⵙⵍⵜ ⵜⴰⴷⵓⵙⵜⵓⵔⵉⵜ  ⵜⴰⵙⵉⵎⴰⵏⵜ ⵅⴼ ⵜⵏⴱⴰⴹⵉⵏ ⵜⵉⵎⵣⵣⴳⴰⵔⵉⵏ ⴷ ⵜⵓⵣⵔⵉⴼⵉⵏ ⴰⵎ ⵉⴳⵔⴰⵡⵏ ⴰⴽⴽⵯ ⵏ ⵓⵏⴱⴰⴹ ⵉⵖⵓⴷⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⴷⵉⵎⵓⵇⵔⴰⵟⵉⵢⵜ ⵜⴰⵎⴷⵔⴰⵡⵜ.

ⵉⴳⴰ ⵓⵙⵇⵇⵉⵎ ⴰⴳⵔⴰⵡ ⴰⵎⵛⵛⵉⵡⵕ ⵉⵙⵏⵎⴰⵍⵏ ⵜⴰⵏⵏⴰⵢⵜ ⴷ ⵉⵙⵓⵜⴳⵏ ⵏ ⴷ ⵉⵙⵓⵎⴰⵔ ⴳ ⵓⵡⵜⵜⴰⵙ ⵏ ⵜⵏⴽⵔⴰ ⵙ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ.

ⵖⵓⵔ ⵓⵙⵇⵇⵉⵎ ⵙⵏⴰⵜ ⵜⵙⵎⵉⴳⵍⵉⵏ ⵜⵉⴷⵙⵍⴰⵏⵉⵏ :

• ⴰⵙⴽⴰⵏ ⵏ ⵜⴰⵏⵏⴰⵢⵜ ⴳ ⵜⵙⵔⵜⴰⵢ ⴰⴽⴽⵯ ⵜⵉⴳⴷⵓⵏⴰⵏⵉⵏ ⴷ ⵉⵙⵜⴰⵢⵏ ⵉⵏⴰⵎⵓⵔⵏ ⵉⵣⴷⵉⵏ ⴷ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴷ ⵜⵏⴰⴼⵓⵜⵉⵏ ⵜⵉⴳⴷⵓⵏⴰⵏⵉⵏ ⵉⵣⴷⵉⵏ ⴷ ⵢⵉⴳⵔⴰⵏ ⴰⴷ ;
• ⵓⵎⵓ ⴳ ⵓⵙⵓⵜⴳ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ.

ⵉ ⵓⵡⵜⵜⴰⵙ ⴰⴷ, ⵉⵙⵡⵓⵔⵉ ⵓⵙⵇⵇⵉⵎⵎ ⵅⴼ :

• ⴰⵙⴽⴰⵏ ⵏ ⵜⴰⵏⵏⴰⵢⵜ ⴳ ⵜⵎⵙⴰⵔⵉⵏ ⵉⵣⴷⵉⵏ ⴷ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⵓⵙⵙⴰⵏ, ⵏⵏⴰ ⵢⴰⵙ ⵉⵙⵙⴼⵙⴰⵔ ⵓⴳⵍⵍⵉⴷ ;
• ⴰⵙⴽⴰⵏ ⵏ ⵜⴰⵏⵏⴰⵢⵜ ⴳ ⵓⵢⵏⵏⴰ ⵢⴰⵙ ⵜⴼⴽⴰ ⵜⵏⴱⴰⴹⵜ ⵉⴳⴰⵏ ⵜⵉⵎⵙⴰⵔⵉⵏ ⵉⵣⴷⵉⵏ ⴷ ⵉⵙⵜⴰⵢⵏ ⵉⵏⴰⵎⵓⵔⵏ ⵉⵅⴰⵜⴰⵔⵏ, ⴷ ⵉⵙⵡⴰⵍⴰⵜⵏ ⵉⵎⴰⵜⴰⵢⵏ, ⴷ ⵉⵖⴰⵡⴰⵙⵏ ⴷ ⵉⵙⵖⵏⵓⵜⵏ ⵉⵕⵡⴰⵏ ⵉⵥⵍⵉⵏ ⵉⵣⴷⵉⵏ ⴷ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ;
• ⴰⵙⴽⴰⵏ ⵏ ⵜⴰⵏⵏⴰⵢⵜ ⵉ ⵜⵏⴱⴰⴹⵜ ⴷ ⵓⴱⵕⵍⴰⵎⴰⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵉⵙⵖⵏⴰ ⴷ ⵉⵙⵓⵎⴰⵔ ⵏ ⵉⵍⵓⴳⵏⵏ ⴷ ⵉⵍⵓⴳⵏⵏ ⵉⵙⵏⵎⴰⵍⴰⵢⵏ ⴷ ⵉⴹⵕⵉⵚⵏ ⵉⵙⵏⵎⴰⵍⴰⵢⵏ, ⵏⵏⴰ ⵢⴰⵙ ⵉⵙⵙⴼⵙⴰⵔ ⴳ ⵓⵡⵜⵜⴰⵙ ⴰⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏⵖ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏⵖ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵉⵎⵛⵉⵡⴰⵕ, ⵙ ⵉⵎⵥⵍⵉ ⵉⵙⵖⵏⴰ ⴷ ⵉⵙⵓⵎⴰⵔ ⵏ ⵉⵍⵓⴳⵏⵏ ⵏⵏⴰ ⵉⵙⵔⵓⵙⵏ ⴰⵙⴰⵜⵉ ⵏ ⵉⵙⵡⵉⵔⵏ ⵉⴷⵙⵍⴰⵏⵏ ⵏ ⵓⵡⴰⵏⴽ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ;
• ⴰⵙⵙⵓⵊⴷ ⵏ ⵜⵖⵓⵔⵉⵡⵉⵏ ⴷ ⵢⵉⵏⵉⴳⵏ ⵙ ⵜⵙⵏⵜⴰⵢⵜ ⵏⵏⵙ, ⵏⵖ ⵙ ⵓⵙⵓⵜⵔ ⵏ ⵜⵏⴱⴰⴹⵜ, ⴳ ⵓⵢⵏⵏⴰ ⵉⵣⴷⵉⵏ ⴷ ⴽⵓ ⵜⴰⵎⵙⴰⵔⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⵏⵖ ⵜⵣⴷⵉ ⴷ ⵓⵙⵡⵓⴷⴷⵓ ⵏ ⵜⵣⵓⵏⵉⵏ ⵜⵉⴳⴷⵓⴷⴰⵏⵉⵏ ⵢⵓⵙⵉⵏ ⴰⴳⴳⵯⴰ ⵏⵏⵙⵏⵜ.
• ⴰⵙⴽⴰⵔ ⵏ ⵉⵙⵜⴰⵍⵏ ⵉⵎⴰⵜⴰⵢⵏ ⵏⵖ ⵉⴳⵔⴰⵡⴰⵏⵏ ⵏⵖ ⵉⵙⴳⵓⵎⴰⵏ ⵉ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵥⵕⴰⴳ ⵏ ⵜⵢⴰⴼⵓⵜⵉⵏ ⵏⵏⵙ;
• ⴰⵙⵎⵏⵉⴷ ⵏ ⵉⵙⵓⵎⴰⵔ ⵉ ⵜⵏⴱⴰⴹⵜ ⵉⵖⵉⵢⵏ ⴰⴷ :
• ⵢⴰⵎⵓ ⴳ ⵓⵙⵖⵓⴷⴰ ⵏ ⵜⵕⵡⵉ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⴷ ⵓⴹⵎⴰⵏ ⵏ ⵜⵡⵓⵔⵉ ⵏⵏⵙ, ⴷ ⵓⵙⵙⵉⵍⵢ ⴳ ⵜⵢⴰⴼⵓⵜⵉⵏ ⵏⵏⵙ, ⴷ ⵓⵣⵣⵉⴳⵣ ⵏ ⵜⵡⵓⵔⵉⵡⵉⵏ ⵏⵏⵙ ;
• ⴰⵙⴱⵖⵙ ⵏ ⵜⵙⵔⵜⴰⵢ ⵏ ⵓⵣⵣⵉⴳⵣ ⵏ ⵜⵓⵚⴽⵉⵡⵉⵏ ⵏ ⵓⵔⵣⵣⵓ ⴰⵎⴰⵙⵙⴰⵏ, ⴷ ⵓⵙⴷⵓⵙ ⵏⵏⵙ ⴷ ⵡⴰⴽⴰⵎ ⵏ ⵉⵎⵉⵏⵉⴳⵏ ⵉⵙⵡⵓⵔⵉⵏ ⴷⵉⴳⵙ ⵅⴼ ⵓⵙⵏⵓⵍⴼⵓ ⴷ ⵓⵙⵙⵍⵡⵓ.
• ⴰⵙⵍⵍⵡⵓ ⵏ ⵓⵣⴷⴰⵢ ⵏ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ ⴰⴽⴷ ⵉⴳⵔⴰⵏ ⴷ ⵜⵎⵔⵙⴰⵍ ⴷ ⵉⴳⵔⴰⵡⵏ ⵅⴼ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⴰⴹⵍⴰⵏ ⴳ ⵢⵉⴳⵔ ⵏ ⵜⵎⵥⵍⴰⵢ ⵏⵏⵙ.

ⵉⵙⵎⵓⵏ ⵓⵙⵇⵇⵉⵎ ⴳ ⵜⵓⵎⴰⵢⵜ ⵏⵏⵙ ⴳⵔ ⵓⵙⵎⴷⵢⴰ ⵏ ⴽⵉⴳⴰⵏ ⵏ ⵉⵎⴰⵣⵣⴰⵍⵏ ⴷ ⵜⵎⵓⵣⴰⵢⵜ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵙ ⵜⵉⴹⴰⴼ ⵏ ⵜⵖⴹⴼⵜ ⵉ ⵓⵎⵏⵣⴰⵢ ⵏ ⵓⵙⵙⵓⵎⵓ ⴳⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⴳ ⵓⵙⵡⵓⵔⵉ ⵏⵏⵙⵏ. ⵔⵏⵓ ⵉ ⵓⵏⵙⵙⵉⵅⴼ ⵏⵏⴰ ⴷⴰ ⵉⵙⵔⵓⵙ ⵓⴳⵍⵍⵉⴷ ⵉ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⵏⵏⴰ ⵉⵖⵉⵢⵏ ⴰⴷ ⵉⵜⵜⵓⵙⵎⴰⵢⵏⵓ ⵢⴰⵜ ⵜⵉⴽⴽⵍⵜ, ⵢⵓⵎⴰ ⵓⵙⵇⵇⵉⵎ 100 ⵏ ⵓⴳⵎⴰⵎ ⴱⴹⴰⵏ ⵅⴼ ⵓⵢⴰⴷ :

• ⵢⴰ-  ⴰⵙⵎⵉⵍ  ⵏ ⵉⵎⵓⵣⴰⵢ ⴷ ⵉⵎⵥⵍⴰⵢⵏ : 20 ⵏ ⵉⴳⵎⴰⵎⵏ ⵏⵏⴰ ⴷⴰ ⵉⵙⵔⵓⵙ ⵓⴳⵍⵍⵉⴷ ⴳⵔ ⵉⴼⴳⴰⵏⵏ ⵉⵜⵜⵓⵡⴰⵙⵙⵏⵏ ⵙ ⵜⵎⵓⵣⴰⵢⵜ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⵓⵙⵙⴰⵏ.
• ⵢⴰⴱ- ⴰⵙⵎⵉⵍ  ⵏ ⵉⴳⵎⴰⵎⵏ ⵉⵜⵜⵓⵙⵔⵙⵏ ⵙ ⵉⵎⵥⵍⵉ ⵏⵏⵙⵏ : 26 ⵏ ⵉⴳⵎⴰⵎⵏ ⵙⵎⴷⵢⴰⵏ ⵜⴰⵏⴱⴰⴹⵜ, ⵜⵉⵎⵔⵙⴰⵍ ⵜⵉⴽⴰⴷⵉⵎⵉⵏ ⴷ ⵜⵎⴰⵙⵙⴰⵏⵉⵏ, ⴰⴱⵕⵍⴰⵎⴰⵏ ⴷ ⵜⵎⵔⵙⴰⵍ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ.
• ⵢⴰⵊ- ⴰⵙⵎⵉⵍ ⵏ ⵉⴳⵎⴰⵎⵏ ⵉⴳⵏⵙⴰⵙ ⵏ ⵉⵏⵎⵓⵍⵍⴰ ⵉⵙⵍⵎⴰⴷⵏ ⵖⵓⵔ ⵉⵍⵍⴰ ⵓⴳⴰⵔ ⵏ ⵉⵙⵎⴷⵢⴰⵜⵏ, ⵉⵙⴰⵜⵉⵢⵏ ⵉⵙⴳⵎⴰⵏⵏ ⴷ ⵉⵎⵙⵙⵓⴳⵓⵔⵏ, ⴱⴰⴱⴰⵜⵙⵏ ⴷ ⵢⵎⵎⴰⵜⵙⵏ ⴷ ⵉⵎⴰⵡⵍⴰⵏ ⵏ ⵉⵏⵍⵎⴰⴷⵏ, ⵉⵙⵍⵎⴰⴷⵏ ⴷ ⵉⵎⵙⴷⴰⵡⵏ ⴷ ⵉⵏⵍⵎⴰⴷⵏ, ⵜⵉⴳⵔⴰⵡⵉⵏ ⵜⵉⵎⵓⵔⴰⵏⵉⵏ, ⵜⵉⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵜⵎⵙⵙⵏⵜⵉⵢⵉⵏ ⴷ ⵉⴳⵔⴰⵡⵏ ⵉⵙⵎⴷⵢⴰⵏ ⵜⵉⵎⵔⵙⴰⵍ ⵜⵓⵙⵍⵉⴳⵉⵏ ⵏ ⵓⵙⵍⵎⴷ ⴷ ⵓⵙⵎⵓⵜⵜⴳ ⵓⵙⵍⵉⴳ, ⴰⵎⴹⴰⵏ ⵏⵏⵙ 54.

ⴷⴰ ⵜⵜⵓⵙⴽⴰⵔⵏⵜ ⵙⴹⵉⵙ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⵖⵓⵔ ⵓⵙⵇⵇⵉⵎ, ⴷⴰ ⵜⵏⵜ ⵉⵙⵜⵜⵉ ⵓⴳⵔⴰⵡ ⵏ ⵓⵎⴷⴰⵡⴰⵍ, ⴰⵔ ⵜⵙⵙⴽⴰⵔ ⵜⵉⵖⵓⵔⵉⵡⵉⵏ ⴷ ⵜⵡⵓⵔⵉⵡⵉⵏ ⵏⵏⴰ ⵢⴰⵙ ⵉⴼⴽⴰ ⵓⵙⵉⵔⴰ ⵙ ⵓⵎⵙⴰⵙⴰ ⴷ ⵉⵎⵛⴰⵡⴰⵕⵏ ⵏ ⵓⴳⵔⴰⵡ ⵏ ⵓⵎⴷⵉⵡⴰⵍ , ⵜⵉⵙⵇⵇⵉⵎⵉⵏ ⴰⴷ ⴳⴰⵏⵜ :

• ⵜⴰⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵉ ⴽⵓ ⵢⴰⵏ ⴷ ⵡⴰⴷⴰⴼ.
• ⵜⴰⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵏⴱⴰⴹ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ.
• ⵜⴰⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵜⵖⴰⵔⴰⵙⵉⵏ ⴷ ⵉⵖⴰⵡⴰⵙⵏ ⴷ ⵉⵙⵎⵓⵜⵜⴳⵏ ⴷ ⵉⵎⴰⵙⵙⵏ ⵉⵙⵍⵎⴰⴷⵏ.
• ⵜⴰⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵜⴰⵣⵣⵓⵍⵉⵏ ⵏ ⵓⵙⵍⵎⴷ ⴷ ⵓⵙⵎⵓⵜⵜⴳ ⴷ ⵓⵙⵡⵓⴷⴷⵓ.
• ⵜⴰⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵜⵉⵇⵏⵉ ⴷ ⵓⵙⵍⵍⵡⵓ.
• ⵜⴰⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⴷ ⵓⵏⵏⵓⵕⵥⵎ ⵏ ⵜⵎⵔⵙⴰⵍ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵅⴼ ⵜⵡⵏⵏⴰⴹⵜ ⵏⵏⵙ.

ⴽⵓ ⵜⴰⵙⵇⵇⵉⵎⵜ ⴷⵉⴳⵙ ⵎⵔⴰⵡ (10) ⴰⵔ ⵙⵏⴰⵜ ⵜⵎⵔⴰⵡⵉⵏ (20) ⵏ ⵉⴳⵎⴰⵎⵏ ⵙ ⵜⵉⴳⵓⵜ, ⴷⴰ ⵜⵏ ⵉⵙⵜⵜⵉ ⵓⴳⵔⴰⵡ ⵏ ⵓⵎⴷⵉⵡⴰⵍ ⵉ ⵙⵉⵏ ⵉⵙⴳⴳⵯⴰⵙⵏ ⴷ ⵓⵣⴳⵏ ⵉⵖⵉⵢⵏ ⴰⴷ ⵉⵜⵜⵓⵙⵎⴰⵢⵏⵓ.

ⵜⴰⵡⵓⵔⵉ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ, ⴽⵓ ⵢⴰⵜ ⵙ ⵜⵎⵥⵍⵉⵢⵉⵏ ⵏⵏⵙ ⴷ ⵢⵉⴳⵔ ⵏ ⵓⴽⵛⵛⵓⵎ ⵏⵏⵙ, ⵉⴳⴰ ⴰⵙⵙⵓⵊⴷ ⵏ ⵉⵙⵖⵏⵓⵜⵏ ⵏ ⵜⴰⵏⵏⴰⵢⵉⵏ ⴷ ⵉⵙⵓⵎⴰⵔ ⴷ ⵉⵙⵖⵍⴰⴼ ⵏ ⵓⴳⵔⴰⵡ ⵏ ⵓⵎⵙⴳⴷⴰⵍ ⵅⴼ ⵜⵎⵙⴰⵔⵉⵏ ⵏⵏⴰ ⵢⴰⵙ ⵉⵡⴰⵍⴰ ⵓⵙⵉⵔⴰ. ⴰⵔ ⵜⵙⵙⴽⴰⵔ ⵜⵉⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⵉⵣⴷⵉⵏ ⴷ ⵓⵙⵡⵓⵔⵉ  ⵏ ⵜⵎⵥⵍⵉⵢⵉⵏ ⵏⵏⵙ, ⵙ ⵜⵖⴹⴼⵜ ⵉ ⵓⵢⵏⵏⴰ ⴷ ⵜⵉⵡⵉ ⵜⵎⵜⵜⵉ 47 ⴷ ⵜⵎⵜⵜⵉ 50 ⵏ ⵓⵏⴳⵔⴰⵡ ⴰⴳⵓⵏⵙⴰⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ.

ⴰⴳⵔⴰⵡ ⴰⵏⴰⵎⵓⵔ ⵏ ⵓⵙⵓⵜⴳ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵉⴳⴰ ⴰⵍⵍⴰⵍ ⵏ ⵓⵙⵓⵜⴳ ⵖⵓⵔ ⵓⵙⵇⵇⵉⵎ ⴰⵏⴰⴼⴰⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵜⴰⵡⵓⵔⵉ ⵏⵏⵙ ⴰⴷ ⵉⵙⵓⵜⴳ ⵙ ⵡⵓⴷⵎ ⴰⵎⴰⵜⴰⵢ ⵏ ⴰⵎⴳⵔⴰⵏ ⵏⵖ ⴰⵙⴳⵓⵎⴰⵏ ⵉ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵎⵓⵜⵜⴳ ⵏ ⵉⵙⴰⵜⵉⵢⵏ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ, ⴷ ⵓⵙⵜⴰⵍ ⵏ ⵜⵕⵡⵉ ⵏⵏⵙ ⵜⴰⴱⵉⴷⴰⵖⵓⵊⵉⵜ ⴷ ⵜⵥⵕⴼⴰⵏⵜ, ⵙ ⵜⴰⵏⵏⴰⵢⵜ ⵏ ⵉⵡⵜⵜⴰⵙⵏ ⵏⵏⴰ ⵢⴰⵙ ⵉⵜⵜⵓⵕⵛⵎⵏ  ⵙ ⵡⴰⵜⵜⴰⴳ ⵅⴼ ⵉⵍⵓⴳⵏⵏ ⵉⵎⴰⴹⵍⴰⵏⵏ ⵏⵏⴰ ⵉⵣⵣⵉⴳⵉⵣⵏ ⴳ ⵓⵙⴽⴽⵉⵏ ⴰⴷ.