Archives: Publications

ⵉⵡⴹ ⵏ ⵍⵎⵖⵔⵉⴱ ⵖⵔ ⵜⵏⴰⴽⴰ ⵏ ⵜⵎⵓⵔⴰ ⵉⴳⵎⵎⴰⵏ ⴷ ⵓⵙⵜⴰⵢ ⵏⵏⵙ ⵉ ⵜⴷⴰⵎⵙⴰ ⵏ ⵜⵓⵙⵙⵏⴰ ⴷⴰ ⵉⵣⵔⵔⵉ ⵅⴼ ⵜⵏⴽⵔⴰ ⵙ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵜⵉⴽⵏⵓⵍⵓⵊⵉ, ⴰⵛⴽⵓ ⴰⵎⴳⴳⴰⵔⵓ ⵢⴰⴷ ⵉⴳⴰ ⵜⴰⵙⴰⵔⵓⵜ ⵏ ⵡⴰⵎⵓⵏ ⵉⵏⵏⵓⵕⵥⵎⵏ ⴷ ⵏⵜⵜⴰ ⴰⵢ ⴷⴰ ⵉⵜⵜⴹⵎⴰⵏⵏ ⵜⵓⴷⵔⵜ ⵜⴰⵎⵇⵔⴰⵏⵜ ⵉ ⵉⵎⵖⵔⴰⴱⵉⵢⵏ ⴰⴽⴽⵯ.

ⵉⵥⵕⴰ ⵓⵙⴳⴳⵯⴰⵙ ⵏ 2020 ⵉⵎⵓⵏⵏ ⴷ ⵡⴰⵟⵟⴰⵏ ⵏ ⴽⵓⴼⵉⴷ 19 ⴰⵙⴷⴷⵉⴷ ⵏ ⵓⵙⵜⴰⵢ ⴰⴷ ⵏ ⵉⵇⵇⴰⵏⵏ ⵉ ⵜⵏⴽⵔⴰ ⵙ ⵉⵎⵓⵙⵙⵓⵜⵏ ⵏ ⵓⵔⵣⵣⵓ ⴷ ⵓⵙⵎⴰⵢⵏⵓ ⴳ ⵉⵙⵡⵉⵔⵏ ⵉⵎⵙⵙⵓⵊⵉⵢⵏ, ⵉⴷⴰⵡⵙⴰⵏⵏ, ⵉⴷⴰⵎⵙⴰⵏⵏ ⴷ ⵉⵏⴰⵎⵓⵏⵏ.

ⴰⵙⵓⵜⴳ ⴰⴷ ⴰⵎ ⵉⵙⵓⵜⴳⵏ ⵉⵜⵜⵓⵙⴽⵔⵏ ⴰⵙⴳⴳⵯⴰⵙ ⵏ 2003 ⵏⵏⴰ ⵉⵙⵡⵓⵔⵉⵏ ⵅⴼ ⵜⵓⵙⵙⵏⴰ ⵏ ⵜⵉⴷⵜ ⴷ 2009 ⵏⵏⴰ ⵉⵙⵡⵓⵔⵉⵏ ⵅⴼ ⵜⵓⵙⵙⵏⵉⵡⵉⵏ ⵜⵉⵏⴼⴳⴰⵏⵉⵏ ⴷ ⵜⵏⴰⵎⵓⵜⵉⵏ, ⵉⵙⵓⵎⵏ ⴰⵎⵏⵣⴰⵢ ⵏ ⵜⵎⵙⵜⴳⴳⴰⵔⵜ ⵉⵜⵜⵓⴱⴷⵔⵏ ⴳ ⴷⴷⵓⵙⵜⵓⵔ, ⵍⵍⵉⴳ ⵉⵙⵔⵙ ⴽⵕⴰⴹ ⵉⵡⵜⵜⴰⵙⵏ ⵉⴷⵙⵍⴰⵏⵏ, ⴰⵎⵣⵡⴰⵔⵓ ⴰⵙⵎⵏⵉⴷ ⵏ ⵢⴰⵜ ⵜⵎⵓⵖⵍⵉ ⵅⴼ ⵜⵉⵍⴰⵡⵜ ⵏ ⵓⵏⴳⵔⴰⵡ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵜⵉⴽⵏⵓⵍⵓⵊⵉ ⴳ ⵍⵎⵖⵔⵉⴱ ⴷ ⵜⵣⵎⵎⴰⵔ ⵏⵏⵙ. ⴰⵡⵜⵜⴰⵙ ⵡⵉⵙⵙ ⵙⵉⵏ ⵉⴳⴰ ⵜⵓⴽⴽⵉ ⵏ ⵢⴰⵜ ⵜⵉⵣⵉ ⵜⴰⵅⴰⵜⴰⵔⵜ ⵉ ⵓⵔⵣⵣⵓ ⴰⵎⴰⵙⵙⴰⵏ. ⴳ ⵜⴳⵉⵔⴰ, ⴰⵙⵙⴼⴰⵡ ⵓⴳⴰⵔ ⵅⴼ ⵓⵙⵎⵓⵙⵙ ⵏ ⵓⵙⵍⴳⵏ ⴰⵙⴰⵜⵉ ⵓⵟⵟⵓⵏ 17-51 ⵏⵏⴰ ⴷ ⵉⴼⴼⵖⵏ ⴰⵢⵓⵔ ⵏ ⵖⵓⵛⵜ 2019 ⵉⵣⴷⵉⵏ ⴷ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵔⵣⵣⵓ ⴰⵎⴰⵙⵙⴰⵏ.

ⴰⴳⴰⵎ ⵜⴰⵏⴰⴹⵜ (ⵉⵍⵍⴰ ⵖⴰⵙ ⵙ ⵜⵓⵜⵍⴰⵢⵜ ⵜⴰⴼⵔⴰⵏⵙⵉⵙⵜ

ⴷⴰ ⵜⵙⵙⵎⵏⵉⴷ ⵜⴰⵏⴰⴹⵜ ⴰⴷ ⵜⴰⵏⴰⵎⵓⵔⵜ ⵜⴰⵖⵓⵔⵉ ⵅⴼ ⵜⵙⵏⵉⴳⵉⵜ ⵏ ⵉⵏⵍⵎⴰⴷⵏ ⴳ ⵍⵄⵎⵕ ⵏ 15 ⵏ ⵉⵙⴳⴳⵯⴰⵙⵏ ⴳ ⵓⵖⴰⵡⴰⵙ ⴰⴳⵔⴰⵖⵍⴰⵏ  PISA 2018, ⵉⴳⴰ ⵉⵏⵉⴳ ⵏⵏⴰ ⴷⴰ ⵜⵙⵙⴽⴰⵔ ⵜⵎⵙⴷⵓⵙⵜ ⵏ ⵓⵎⵢⴰⵡⴰⵙ ⴰⴷⴰⵎⵙⴰⵏ ⴷ ⵜⵉⴳⵎⵉ OCDE ⴽⵓ ⴽⵕⴰⴹ ⵉⵙⴳⴳⵯⴰⵙⵏ, ⴰⵢⴰ ⵙⴳ ⵓⵙⴳⴳⵯⴰⵙ ⵏ 2000, ⵉⵣⴷⵉ ⴷ ⵓⵙⵓⵜⴳ ⵏ ⵜⵙⵏⵉⴳⵉⵜ ⵏ ⵉⵏⵍⵎⴰⴷⵏ ⴳ ⵍⵄⵎⵕ ⵏ 15 ⴳ ⵢⵉⴳⵔⴰⵏ ⵏ ⵢⵉⴽⵣ ⵏ ⵉⴹⵕⵉⵚⵏ ⵉⵜⵜⵢⴰⵔⴰⵏ ⴷ ⵜⵓⵙⵏⴰⴽⵜ ⴷ ⵜⵓⵙⵙⵏⴰ.

ⵙ ⵓⵎⵣⴰⵔⴰⵢ ⴷ ⵢⵉⵏⵉⴳⵏ ⵉⵎⵙⵓⵜⴳⵏ ⵢⴰⴹⵏ ⵅⴼ ⵉⵎⵄⵉⵏⵏ ⵏ ⵉⵏⵍⵎⴰⴷⵏ, ⵉⴱⵓⵔⵣ ⵓⵖⴰⵡⴰⵙ  PISA ⵙ ⵓⵙⵜⴰⵍ ⵏ ⵜⵙⵏⵉⴳⵉⵜⵉⵏ ⵜⵉⵎⴰⵜⴰⵢⵉⵏ ⵏⵏⴰ ⵔⴰⴷ ⵉⵔⵉⵏ ⵉⵄⵔⵔⵉⵎⵏ ⵏ 15 ⵏ ⵉⵙⴳⴳⵯⴰⵙⵏ ⴳ ⵍⵄⵎⵕ ⵉ ⵓⵎⵓⵔⵙ ⴳ ⵜⵓⴷⵔⵜ ⵏⵏⵙⵏ ⵜⴰⵣⵣⵓⵍⴰⵏⵜ ⴷ ⵜⵏⴰⵎⵓⵏⵜ ⴷ ⵜⵏⵉⵎⴰⵏⵜ. ⵙ ⵓⵢⴰ, ⴰⵖⴰⵡⴰⵙ  PISA  ⵓⵔ ⴷⴰ ⵉⵙⵜⴰⵍ ⵜⵓⵙⵙⵏⵉⵡⵉⵏ ⵜⵓⵎⵄⵉⵏⵉⵏ ⵏ ⵉⵏⵍⵎⴰⴷⵏ ⵎⴰⵛⴰ ⵜⴰⵣⵎⵔⵜ ⵏⵏⵙⵏ ⵅⴼ ⵓⵙⵡⵓⵔⵉ ⵏ ⵜⵓⵙⵙⵏⵉⵡⵉⵏ ⴰⵏ ⴷ ⵓⵙⵏⵎⴽⵍ ⵏⵏⵙⵏⵜ ⴳ ⵜⵓⴷⵔⵜ ⵏ ⴽⵓ ⵢⴰⵙⵙ. ⴰⵔ ⵉⵜⵜⵉⵏⵉⴳ ⵓⵖⴰⵡⴰⵙ ⴰⴷ ⵜⵉⵣⵉ ⵏ ⵓⵃⵣⵣⵎ ⵏ ⵉⵄⵔⵔⵉⵎⵏ ⴰⴷ, ⵢⵉⵡⴹⵏ ⵍⵄⵎⵕ ⵏ ⵓⵜⵔⴳ, ⴳ ⵜⵎⴷⵔⴰⵡⵜ ⴳ ⵜⵓⴷⵔⵜ ⵜⴰⵏⴰⵎⵓⵏⵜ ⴷ ⵡⵓⵎⵓ ⴳ ⵜⴷⴰⵎⵙⴰ ⵉⵚⴽⴰⵏ ⴽⵉⴳⴰⵏ ⵅⴼ ⵜⵓⵙⵙⵏⴰ ⴷ ⵜⵉⴽⵏⵓⵍⵓⵊⵉⵢⵉⵏ.

ⴳⴳⵓⵜⵏⵜ ⵜⵎⵓⵔⴰ ⵏ ⵜⴷⴰⵎⵙⵉⵡⵉⵏ ⵏⵏⴰ ⵉⵍⵜⵖⵏ ⴳ ⵢⵉⵏⵉⴳ ⴰⴷ. ⵢⴰⵎⵓ ⵍⵎⵖⵔⵉⴱ, ⵜⴰⵙⴳⴰ ⵏ 78 ⵏ ⵜⵎⵓⵔⵜ ⴷ ⵜⴷⴰⵎⵙⴰ, ⵙ ⵢⵉⵔⵎ ⴰⴷ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴰⵙⴳⴳⵯⴰⵙ ⵏ 2018, ⵙ ⵡⵓⵎⵓ ⵏ 7218 ⵏ ⵉⵏⵍⵎⴰⴷⵏ ⵉⴱⴹⴰⵏ ⵅⴼ 180 ⵏ ⵜⵎⵔⵙⵍⵜ.

ⵙ ⵓⴱⵔⵉⴷ ⵏ ⵓⵙⵡⵓⵔⵉ ⵏ ⵓⵙⵖⴰⵍ ⴰⵏⵎⵏⴰⴹ ⵏ ⵜⴰⵏⵏⴰⵢⵜ , ⵜⵉⵡⵉ ⴷ ⵜⴰⵏⴰⴹⵜ ⴰⴷ ⵅⴼ ⵓⵙⴼⵙⵉ ⵏ ⵓⵙⵡⵉⵔ ⵏ ⵜⵓⴽⴽⵉ ⵏ ⵉⵏⵍⵎⴰⴷⵏ ⵉⵎⵖⵔⴰⴱⵉⵢⵏ, ⵙ ⵜⵉⵥⵕⵉ ⵏ ⵉⵏⵎⵎⴰⵍⵏ ⵉⵚⴽⴰⵏ ⵅⴼ ⵓⵙⵉⴽⵙⵍ ⴷ ⵓⵙⵓⵏⴼⵓ ⴰⵏⵉⵎⴰⵏ ⵔⵏⵓ ⵢⴰⵙ ⵉⵏⵎⵎⴰⵍⵏ ⵉⵣⴷⵉⵏ ⴷ ⵜⵉⵔⵙⴰⵍ ⵏ ⵓⵎⵓⵔⵙ ⴰⵏⵎⵍⴰⵏ ⵙ ⵉⵎⵥⵍⵉ ⴳ ⵓⵙⵡⵉⵔ ⵏ ⵉⵙⴰⴳⵎⵏ ⵉⵎⴰⵣⵣⴰⵍⵏ ⵏ ⵓⵙⴳⵎⵉ ⴷ ⵜⵡⵏⵏⴰⴹⵜ ⵜⴰⵏⵎⵍⴰⵏⵜ ⴷ ⵜⴳⵔⴰⵡⴰⵏⵜ.

ⴰⴷ ⵏⵙⵙⴽⵜⵉ ⵉⵙ ⵉⵙⵙⴽⵔ ⵓⴳⵔⴰⵡ ⴰⵏⴰⵎⵓⵔ ⵏ ⵓⵙⵜⴰⵍ ⵖⵓⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵜⴰⵏⴰⴹⵜ ⴰⴷ ⵙ ⵢⵉⵡⵙ ⵏ ⵜⵙⵏⵓⵔⴰⵢⵜ ⵏ ⵓⵙⵉⴹⵏ ⵏ ⵜⵏⵥⵕⵜ ⵉⴼⴹ-ⵍⵎⵖⵔⵉⴱ, ⴷ ⴽⵉⴳⴰⵏ ⵏ ⵉⵎⵓⵣⴰⵢ ⵏ ⵜⵎⵙⴷⵓⵙⵜ ⵏ ⵓⵎⵢⴰⵡⴰⵙ ⴷ ⵜⵉⴳⵎⵉ ⵜⴰⴷⴰⵎⵙⴰⵏⵜ.

ⴰⴳⴰⵎ ⵏ ⵜⴳⴹⵡⵉⵜ

ⴷⴰ ⵜⵙⵙⵎⵏⵉⴷ ⵜⴰⵏⴰⴹⵜ ⵏ « ⴰⵙⵙⵉⴷⴼ ⴰⵣⵣⵓⵍⴰⵏ ⵏ ⵉⵎⵙⵙⵓⴼⵖ ⵏ ⵓⵙⵍⵎⴷ ⴰⵏⴰⴼⵍⵍⴰ » ⵜⵉⵢⴰⴼⵓⵜⵉⵏ ⵏ ⵓⵔⵣⵣⵓ ⴰⵏⴰⵎⵓⵔ ⵏ ⵓⵙⵉⵜⴳ ⵏ ⵡⴰⴷⴰⴼ ⵏ ⵉⵎⵙⵙⵓⴼⵖⵏ ⵏ ⵜⵎⵔⵙⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ, ⵏⵏⴰ ⵉⵙⵙⵓⵊⴰⴷⵏ ⵜⴰⵙⵉⵍⴰ ⵏ ⵉⵙⴼⴽⴰ ⴷ ⵉⵙⴼⵙⴰⵢⵏ ⵙ ⵜⵏⵜⴰⵎⵉⵏ ⵅⴼ ⵡⴰⴷⴷⴰⴷ ⵏ ⵉⵎⵙⵙⵓⴼⵖⵏ ⴳ ⵍⵎⵖⵔⵉⴱ, ⴳ ⵓⵡⵜⵜⴰⵙ ⵏ ⵓⵙⵔⵓⵙ ⵏ ⵢⴰⵜ ⵜⵎⵓⵖⵍⵉ ⵉⵙⵎⴷⵏ ⵅⴼ ⵓⵙⵎⵓⵜⵜⴳ ⴷ ⵓⵙⵡⵓⵔⵉ, ⵏⵏⴰ ⵉⴳⴰⵏ ⵢⴰⵏ ⴳ ⵜⵏⵥⵕⵉⵏ ⵜⵉⵅⴰⵜⴰⵔⵉⵏ ⵏ ⵢⵉⴳⵔ ⵏ ⵓⵙⵍⵎⴷ ⴰⵏⴰⴼⵍⵍⴰ, ⴷ ⵓⵎⵙⴰⵔⴰⵙ ⵏ ⵜⴳⵎⵉ ⵏ ⵓⴷⴳⴰⵔ ⴰⵏⴼⴳⴰⵏ. ⵉⵔⴰ ⴷⵉⵖ ⴰⴷ ⵉⴳ ⵉⵎⴰⵙⵙⵏ ⵏ ⵢⵉⵡⵙ ⵏ ⵉⵎⵙⴽⴰⵔⵏ ⵏ ⵜⵖⵜⵙⵜ ⴳ ⵓⵙⴼⴰⵡ ⴷ ⵢⵉⵙⵉ ⵏ ⵜⵖⵜⵙⵜ ⵅⴼ ⵓⵙⵡⵉⵔ ⴰⵏⴰⵎⵓⵔ.
ⴰⴳⴰⵎ ⵜⴰⵏⴰⴹⵜ
ⴰⴳⴰⵎ ⵏ ⵜⴳⴹⵡⵉⵜ

ⴷⴰ ⵉⵙⵎⵏⵉⴷ ⵓⵙⵇⵇⵉⵎ ⵜⴰⵏⵏⴰⵢⵜ ⵏⵏⵙ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⵖⵏⵓ ⵏ ⵜⵖⵜⴰⵙⵜ ⵓⵟⵟⵓⵏ 2.21.125 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵜⵖⵜⴰⵙⵜ ⵓⵟⵟⵓⵏ 2.04.86 ⴷ ⵉⴼⴼⵖⵏ ⴳ ⵢⵓⵏⵢⵓ 2004, ⵙ ⵓⵙⵡⵓⵜⵜⵓ ⵏ ⵜⵎⵥⵍⵉⵢⵉⵏ ⵏ ⵜⵎⵔⵙⴰⵍ ⵜⵉⵎⵙⴷⴰⵡⵉⵏ ⴷ ⵉⵎⵉⵔⵏ ⵏ ⵜⵖⵓⵔⵉⵡⵉⵏ ⵜⵉⵎⴰⵜⵜⴰⵢⵉⵏ ⴷ ⵉⵙⵍⴽⵉⵏⵏ ⵉⵏⴰⵎⵓⵔⵏ ⴰⵙⵏ, ⵢⴰⴽⵣ ⵉⵙ ⵉⵙⴱⴷⴰⴷⵏ ⵏⵏⴰ ⴷ ⵢⵉⵡⵉ ⵓⵙⵖⵏⵓ ⵢⴰⴷ, ⵎⵇⵇⴰⵔ ⴳⴰⵏ ⵉⵙⵏⵎⴰⵍⴰⵢⵏ ⴷ ⵓⵎⵀⵉⵍⵏ, ⵎⴰⵛⴰ ⴷⴰ ⵜⵜⴰⵖⵓⵍⵏ ⵖⵔ ⴰⵏⴳⵔⴰⵡ ⴰⴱⵉⴷⴰⵖⵓⵊⵉ ⵏⵏⴰ ⵢⵓⵙⵉⵏ ⵜⴰⵏⵏⴰⵢⵜ ⵜⴰⵙⵟⵕⴰⵜⵉⵊⵉⵜ ⵏⵏⴰ ⵉⵖⵉⵢⵏ ⴰⴷ ⵢⴰⵡⴹ ⵖⵔ ⴰⵙⵏⴼⵍ ⴰⵥⵓⵕⴰⵏ ⵉⵖⵉⵢⵏ ⴰⴷ ⵉⵟⵟⴰⵙ ⵢⴰⵜ ⵜⵔⵙⵍⵜ ⴳ ⵜⵔⵙⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ, ⵉⵙⵏⴼⵍ ⴰⵏⴳⵔⴰⵡ “ⵜⵓⵔⴰⴳⵜ – ⵎⴰⵚⵟⵕ – ⴷⵓⴽⵜⵓⵕⴰ”

ⴷⴰ ⵉⵙⵎⵏⵉⴷ ⵓⵙⵇⵇⵉⵎ ⴳ ⵜⴰⵏⵏⴰⵢⵜ ⵏⵏⵙ ⴽⵉⴳⴰⵏ ⵏ ⵉⵏⵥⵉⵡⵏ ⴷ ⴽⵔⴰ ⵏ ⵉⵙⵖⵍⴰⴼ ⵏⵏⴰ ⵉⵥⵕⴰ ⵉⵙ ⵕⵡⴰⵏ ⴳ ⵓⵙⵏⵖⴷ ⵏ ⵉⵎⵥⵍⴰⵢ ⵏ ⵓⵙⵓⵖⴷ ⴰⴷ ⴷ ⵓⵙⴷⵓⵙ ⵏ ⵉⴼⵔⴷⵉⵙⵏ ⵏ ⵓⵎⵓⵔⵙ ⵏⵏⵙ.

ⴰⴳⴰⵎ ⵜⴰⵏⵏⴰⵢⵜ (ⵉⵍⵍⴰ ⵖⴰⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ)

ⵉⵅⴰⵜⵔ ⴽⵉⴳⴰⵏ ⵓⵙⵓⴼⵖ ⵏ ⵓⵙⵍⴳⵏ ⵏⵏⴰ ⵉⵙⵏⵎⴰⵍⴰⵏ ⴰⵙⵍⵎⴷ ⴰⵏⵎⵍⴰⵏ ⵙ ⵓⵎⴰⵜⴰ ⵏⵏⵙ ⴷ ⵉⵙⵎⴰⴷⵏ ⵏⵏⵙ ⴰⴽⴷ ⵜⵓⵎⴰⵢⵉⵏ ⵏ ⵓⵏⴳⵔⴰⵡ ⴰⵏⴰⵎⵓⵔ  ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ. ⵢⵓⵙⴰ ⴷ ⵓⵙⵍⴳⵏ ⴰⴷ ⴳ ⵓⵎⵏⴰⴹ ⴰⵏⴰⵎⵓⵔ ⵉⵥⵍⵉⵏ ⵙ ⵓⵏⵏⵓⵕⵥⵎ ⵏ ⵓⵙⵓⴳⴳⵣ ⵏ ⵓⵣⵓⵔⵜ ⵏ ⵜⴳⵎⵉ ⴰⵎⴰⵢⵏⵓ, ⴷ ⵓⵎⵏⴰⴹ ⴰⴳⵔⴰⵖⵍⴰⵏ ⴳ ⵍⵍⴰⵏ ⵉⵙⵏⴼⵍⵏ ⵉⵅⴰⵜⴰⵔⵏ ⵉⵎⵙⴽⵛⴰⵎⵏ ⵏ ⵉⵏⴳⵔⴰⵡⵏ ⵉⵙⴳⵎⴰⵏⵏ, ⴷⴷⴰⵡ ⵜⴰⵙⵙⴰⵙⵜ ⵏ ⵡⴰⵟⵟⴰⵏ ⵏ ⴽⵓⴼⵉⴷ-19, ⴷ ⵓⵢⵏⵏⴰ ⴷ ⵜⵓⴷⵊⴰ ⵏ ⵜⵎⵓⴽⵔⵉⵙⵉⵏ ⵜⵉⵎⴰⵢⵏⵓⵜⵉⵏ ⵏⵏⴰ ⵉⵣⵓⵛⵛⵍⵏ ⴰⵙⵎⴰⵢⵏⵓ ⵏ ⵜⵎⵢⴰⴷⴰⵙⵉⵏ, ⴷ ⵓⵙⵡⴰⵍⴰ ⵏ ⵉⵏⴳⵔⴰⵡⵏ ⵉⵙⴳⵎⴰⵏⵏ ⴳ ⵜⵎⵓⵔⴰ ⵏ ⵓⵎⴰⴹⴰⵍ ⵖⵔ ⴰⵙⵙⵎⵖⵓⵔ ⴷ ⵓⵙⴳⵎ ⵏ ⵓⵙⵉⴷⴼ ⵏ ⵉⵎⵓⵟⵟⵓⵏⵏ ⴳ ⵉⵙⵡⵉⵔⵏ ⴰⴽⴽⵯ ⵏ ⵓⵏⴳⵔⴰⵡ, ⵙ ⵉⵎⵥⵍⵉ ⵜⵉⵏⵏⴰ ⵉⵣⴷⵉⵏ ⴷ ⵜⵎⵢⴰⴷⴰⵙⵉⵏ ⴳ ⵓⵙⴳⵎⵉ ⴷ ⵓⵙⵍⵎⴷ ⴷ ⵓⵏⵍⵎⴷ ⴷ ⵓⵎⵄⴰⵏ ⵏ ⵜⵙⵏⵉⴳⵉⵜⵉⵏ ⴷ ⵜⵙⵓⴳⴰⵔ, ⴷ ⵓⵢⵏⵏⴰ ⵉⴹⴼⴰⵕⵏ ⴰⵢⴰ ⴳ ⵓⵙⵏⴼⵍ ⵏ ⵜⵎⵢⴰⴷⴰⵙⵉⵏ ⵏ ⵓⵙⴽⴰⵔ ⵏ ⵉⵜⵙ ⵏ ⵜⵡⵓⵔⵉⵡⵉⵏ ⵏ ⵜⵉⵏⵎⵍ, ⴰⵎ ⵓⵙⵙⴳⵎ, ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵓⵙⵏⴼⵍ ⴳ ⵜⵉⵍⴰⵍ ⵏ ⵓⵙⵍⵎⴰⴷ ⴷ ⵓⵏⵍⵎⴰⴷ / ⵜⴰⵙⵍⵎⴰⴷ ⴷ ⵜⵏⵍⵎⴰⴷⵜ.

ⵉⵏⵏⵓⵔⵣ ⵓⵙⵇⵇⵉⵎ ⵙ ⵓⴱⵔⵉⴷ ⵏ ⵜⴰⵏⵏⴰⵢⵜ ⴰ,  ⴰⴷ ⵢⴰⵡⵙ ⵙ ⴽⵉⴳⴰⵏ ⵏ ⵉⵙⵓⵎⴰⵔ ⴳ ⵓⵙⴱⵓⵖⵍⵓ ⵏ ⵉⵍⵓⴳⵏⵏ ⵏ ⵓⵙⵖⵏⵓ ⵓⵟⵟⵓⵏ 59-21 ⵉⵣⴷⵉⵏ ⴷ ⵓⵙⵍⵎⴷ ⴰⵏⵎⵍⴰⵏ, ⴰⴼⴰⴷ ⴰⴷ ⵉⴼⴽ ⵜⴰⵣⴷⴳⵉ ⵓⴳⴰⵔ ⵏ ⵉⵙⵜⴰⵢⵏ ⴷ ⵓⵙⵏⵎⴰⵍⴰ ⴷ ⵉⵎⴰⵙⵙⵏ ⵏⵏⴰ ⵔⴰⴷ ⵉⵙⵜⵉ ⵉ ⵓⵙⵡⵓⵔⵉ ⵏ ⵓⵙⵓⵖⴷ ⵍⵓⵎⴰⵕ ⵜⵉⵏⵏⴰ ⵉⵣⴷⵉⵏ ⴷ ⵉⵡⵜⵜⴰⵙⵏ ⵉⵅⴰⵜⴰⵔⵏ ⴰⵎⵎ ⵜⵏⴽⵔⴰ ⵙ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵜⴰⵎⵖⵔⴰⴱⵉⵢⵜ ⵉⵙⵔⵓⵙⵏ ⴰⵏⵍⵎⴰⴷ ⴳ ⵡⵓⵍ ⵏ ⵉⵏⵜⴰⵢⵏ ⵏⵏⵙ, ⴷ ⵢⵉⵡⴹ ⵖⵔ ⵓⵙⵙⵓⵎⵓ ⴷ ⵓⵙⵉⴽⵙⵍ ⵏ ⵓⵣⵎⵣⵣⵓ ⴷ ⵜⵕⵡⵉ ⴷ ⵓⵙⵙⵎⵖⵓⵔ ⴰⴼⵔⴷⴰⵙ ⴷ ⵓⵏⴰⵎⵓⵏ.

ⴰⴳⴰⵎ ⵜⴰⵏⵏⴰⵢⵜ (ⵉⵍⵍⴰ ⵖⴰⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ)

ⵜⵡⴰⵜⵙ  ⵜⴰⵏⵏⴰⵢⵜ ⴰⴷ ⵉⵡⵙ ⴳ ⵓⵙⴱⵓⵖⵍⵓ ⴷ ⵓⵙⴷⵓⵙ ⵏ ⵓⵙⵖⵏⵓ ⵏ ⵓⵍⴳⵏ ⵙ ⵓⵙⵎⴰⴷ ⴷ ⵓⵙⵏⴼⵍ ⵏ ⵓⵙⵍⴳⵏ 07.00 ⴷ ⵢⵉⵡⵉⵏ ⴰⵙⵍⵍⵡⵓ ⵏ ⵜⴽⴰⴷⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⴳ ⵓⵎⵏⵉⴷ ⵏ ⴰⴷ ⵢⴰⵙⵉ ⵉⴼⵔⴷⵉⵙⵏ ⵓⵣⵔⵉⴼⵏ ⵉⵖⵉⵢⵏ ⴰⴷ ⵉⵙⵏⵓⵍⴼⵓ ⴰⵙⵏⴼⵍ ⵉⵜⵜⵓⵏⵓⵔⵣⵏ ⴳ ⵡⴰⵏⴰⵡ ⵏ ⵓⵏⴱⴰⴹ ⴰⵎⵓⵔⴰⵏ ⵏ ⵓⵏⴳⵔⴰⵡ ⵏ ⵓⵙⵍⵎⴷ ⴰⵏⵎⵍⴰⵏ ⵙ ⵜⵉⴹⴰⴼ ⵏ ⵉⵙⵓⵜⵓⵔⵏ ⵏ ⵡⴰⵔⴰⵎⵎⴰⵙ ⴷ ⵜⵎⵏⴰⴹⵜ ⵜⴰⵎⵣⵣⵉⴳⵣⵜ.

ⴰⵔ ⵉⵜⵜⴰⴷ ⵓⵙⵇⵇⵉⵎ ⴳ ⵜⴰⵏⵏⴰⵢⵜ ⵏⵏⵙ, ⵅⴼ ⵜⵅⵉⵜⵔⵜ ⵏ ⵓⵣⵣⵔⴰⵢ ⵉⵖⴱⴰⵏ ⵉ ⵜⵎⵥⵍⵉⵢⵉⵏ ⴷ ⵓⵙⵏⵎⴰⵍⴰ ⵏ ⵜⵎⵔⵙⴰⵍ ⴰⴷ ⵜⵉⴳⴷⵓⴷⴰⵏⵉⵏ ⵏⵏⴰ ⵖⵓⵔ ⵍⵍⴰⵏⵜ ⵜⵉⵍⴰⵍ ⵉⵅⴰⵜⵔⵏ ⴳ ⵓⵙⵎⵓⵙⵙⵓ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵏ ⵓⵙⵍⵎⴷ ⴰⵏⵎⵍⴰⵏ, ⵍⵍⵉⴳ ⵜⴳⴰ ⴰⵍⵍⴰⵍ ⴰⵎⵙⵙⵓⴳⵓⵔ ⴷ ⵓⵙⴳⵎⴰⵏ ⵏⵏⴰ ⵉⵙⵡⵓⴷⴷⵓⵏ ⵉⴳⵔ ⵏ ⵓⵏⴳⵔⴰⵡ ⴰⵙⴳⵎⴰⵏ, ⵢⴰⵙⵉ ⵜⴰⵎⵙⵜⴳⴳⴰⵔⵜ ⵜⴰⵅⴰⵜⴰⵔⵜ ⴳ ⵓⵙⵙⵓⵊⴷ ⵏ ⵓⵙⵍⵎⴷ ⴰⵙⴷⴼⴰⵏ ⵉⵕⵡⴰⵏ ⵉ ⴽⵓ ⵢⴰⵏ, ⴰⵙⵍⵎⴷ ⵉ ⵚⴽⴰⵏ ⵅⴼ ⵓⵙⵏⵎⵎⵙ ⵏ ⵓⵏⵍⵎⴰⴷ, ⴰⵔ ⵉⵜⵜⴰⵡⴹ ⵖⵔ ⵉⵡⵜⵜⴰⵙⵏ ⵏ ⵓⵙⵓⵖⴷ. ⴰⵣⵣⵔⴰⵢ ⴰⴷⵉⵇⵇⴰⵏ ⵏ ⴰⴷ ⵢⴰⵡⴹ ⵖⵔ ⵓⵙⵔⵓⵙ ⵏ « ⵜⴰⵙⵓⵜⴰ ⵜⴰⵎⴰⵢⵏⵓⵜ ⵏ ⵜⴽⴰⴷⵉⵎⵉⵏ »

ⴰⴳⴰⵎ ⵜⴰⵏⵏⴰⵢⵜ (ⵉⵍⵍⴰ ⵖⴰⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ)

ⵉⵏⵏⵓⵔⵣ ⵓⵙⵇⵇⵉⵎ ⵙ ⵓⴱⵔⵉⴷ ⵏ ⵜⴰⵏⵏⴰⵢⵜ ⴰⴷ, ⵉⵡⵙ ⵙ ⴽⵉⴳⴰⵏ ⵏ ⵉⵙⵓⵎⴰⵔ ⴳ ⵓⵙⴱⵓⵖⵍⵓ ⵏ ⵉⵙⵍⴳⵏⵏ ⵏ ⵓⵙⵖⵏⵓ ⵏ ⵓⵙⵍⴳⵏ ⵓⵟⵟⵓⵏ 63.21 ⵉⵣⴷⵉⵏ ⴷ ⵓⵙⵏⵎⴰⵍⴰ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⵖⴷ ⵏⵏⵙ, ⴷ ⵓⵙⴷⵓⵙ ⵏ ⵓⵎⵙⴰⵙⴰ ⵏⵏⵙ ⴷ ⵜⵏⵓⵔⵣⵉⵜⵉⵏ ⵏ ⵓⵙⵓⵖⴷ ⴷ ⵉⵙⴰⵖⵓⵍⵏ ⵏⵏⵙ, ⴳ ⵓⵙⴰⵜⵉ ⵏ ⵜⵎⵓⵖⵍⵉ ⵜⴰⵎⴰⵜⴰⵢⵜ ⵏⵏⴰ ⵉⵙⵙⴰⵜⵉⵏ ⴰⵙⵓⵖⴷ ⵉⵣⵣⵉⴳⵉⵣⵏ, ⵙ ⵜⴼⵍⵙⴰⴼⵜ ⵉⵡⴰⵜⵙⵏ ⴰⵙⵏⵓⵍⴼⵓ ⵏ ⵓⵙⵏⴼⵍ ⵏⵏⴰ ⴷ ⵢⵓⵙⴰⵏ, ⴳ ⵡⴰⵜⵉⴳ ⵏⵏⵙ ⴷ ⵓⵎⵏⵉⴷ ⵏⵏⵙ, ⵉⵙⵏⴼⵍⵏ ⵉⵜⵜⵉⵏ ⴷ ⵜⵙⴷⴰⵡⵉⵜ ⵜⴰⵎⵖⵔⴰⴱⵉⵜ, ⴳⴰⵏⵜ ⵉⵙⵏⴼⵍⵏ ⵉⵏⴰⵎⵓⵔⵏ ⵏⵖ ⵉⵙⵏⴼⵍⵏ ⵉⵏⵎⵏⴰⴹⵏ ⴷ ⵉⵎⴰⴹⵍⴰⵏⵏ.

ⴰⵔ ⵉⵜⵜⴰⴷ ⵓⵙⵇⵇⵉⵎ, ⵙ ⵓⴱⵔⵉⴷ ⵏ ⵉⵙⵖⵍⴰⴼ ⵉⵍⵍⴰⵏ ⴳ ⵓⴹⵕⵉⵚ ⵏ ⵜⴰⵏⵏⴰⵢⵜ ⴰⴷ, ⵅⴼ ⵓⵣⵓⵛⵛⵍ ⵏ ⵓⵙⴱⵓⵖⵍⵓ ⵏ ⵓⴹⵕⵉⵚ ⵓⵣⵔⵉⴼ ⵙ ⴽⵉⴳⴰⵏ ⵏ ⵉⴼⵔⴷⵉⵙⵏ ⴷ ⵜⵎⵥⵍⵉⵢⵉⵏ ⵏⵏⴰ ⵉⵖⵉⵢⵏ ⴰⴷ ⵉⵙⵔⵙ ⵢⴰⵏ ⵓⵏⴳⵔⴰⵡ ⴰⵎⴰⵢⵏⵓ ⵉⵥⴹⴰⵔⵏ ⴰⴷ ⵉⵙⵙⴰⵖⵓⵍ ⴰⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴰⴷ ⵉⴳ ⵜⴰⵔⵙⵍⵜ ⵉⵜⵜⴰⵡⵙⵏ ⴳ ⵓⵙⵔⵓⵙ ⴰⵎⵙⵉⴽⵙⵍ ⴷ ⵓⵎⵔⵙⴰⵍ ⴳ ⵓⵙⴷⵓⵙ ⵏ ⵓⴷⵖⴰⵔ ⵏ ⵍⵎⵖⵔⵉⴱ ⴳ ⵡⴰⵎⵓⵏ ⵏ ⵜⵓⵙⵙⵏⴰ, ⴷ ⵓⵙⵖⵉⵢ ⵏ ⵓⴷⴳⴰⵔ ⴰⵏⴼⴳⴰⵏ, ⴷ ⵉⵡⴹ ⵖⵔ ⵉⵡⵜⵜⴰⵙⵏ ⵏ ⵓⵣⵓⵔⵜ ⴰⵏⴳⵎⴰⵏ ⴰⵎⴰⵢⵏⵓ.

ⴰⴳⴰⵎ ⵜⴰⵏⵏⴰⵢⵜ (ⵉⵍⵍⴰ ⵖⴰⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ)

ⵜⵡⴰⵜⵙ ⵜⴰⵏⵏⴰⵢⵜ ⴰⴷ ⵉⵡⵙ ⴳ ⵓⵙⵏⵖⴷ ⵏ ⵜⵓⵎⴰⵢⵉⵏ ⵏ ⵓⵙⵖⵏⵓ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⵥⵍⴰⵢ ⵏ ⵜⵙⵏⵙⵉⵡⵉⵏ ⵏ ⵓⵜⵡⴰⵍ ⵓⵜⵍⴰⵢ ⴳ ⵓⵙⵍⵎⴷ ⴰⵏⵎⵍⴰⵏ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴷ ⵓⵙⴷⵓⵙ ⵏ ⵓⵎⵙⴰⵙⴰ ⵏⵏⵙ ⴷ ⵉⵙⴰⵖⵓⵍⵏ ⵉⴷⵙⵍⴰⵏⵏ ⵏ ⵓⵙⵓⵖⴷ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵙⴳⵎⵉ, ⴷ ⴰⴷ ⵜ ⵉⵙⵙⵉⵡⴹ ⴰⴷ ⴷⵉⴳⵙ ⵉⵍⵉⵏ ⵉⴼⵔⴷⵉⵙⵏ ⵏ ⵉⵇⵇⴰⵏⵏ ⵉ ⵓⵥⵍⴰⵢ ⵏ ⵜⵙⵏⵙⵉⵡⵉⵏ ⵏⵏⴰ ⵉⵡⴰⵜⵙ, ⵙ ⵜⵉⴹⴰⴼ ⵏ ⵜⵅⵉⵜⵔⵜ ⵏ ⵓⵙⴳⵓⵎ ⵏⵏⴰ ⴷ ⵢⵉⵡⵉ ⵓⴹⵕⵉⵚ ⴰⵙⵏⵎⴰⵍⴰⵏ, ⴷ ⵜⵎⵉⵜⴰⵔ ⵏⵏⵙ ⵅⴼ ⵓⵣⵣⵉⴳⵣ ⵏ ⵓⵙⵓⵖⴷ ⴰⵙⴳⵎⴰⵏ.

ⴰⴳⴰⵎ ⵜⴰⵏⵏⴰⵢⵜ (ⵉⵍⵍⴰ ⵖⴰⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ)

ⵜⴻⵜⵜⵙⵏⵎⴰⵍⴰ ⵜⴰⵏⵏⴰⵢⵜ ⴰⴷ ⴳ ⴽⵉⴳⴰⵏ ⵏ ⵉⵙⵓⵎⴰⵔ ⴷ ⵉⵙⵖⵍⴰⴼ, ⴰⵡⵜⵜⴰⵙ ⵙⴳ ⴷⵉⴳⵙⵏ ⵉⵡⵙ ⴳ ⵓⵙⵙⵏⵖⴷ ⵏ ⵜⵓⵎⴰⵢⵜ ⵏ ⵓⵙⵖⵏⵓ ⵏ ⵓⵙⵍⴳⵏ ⴷ ⵓⵢⵏⵏⴰ ⴷ ⵢⵉⵡⵉ, ⴷ ⵉⵙ ⴷⵉⴳⵙ ⵍⵍⴰⵏ ⴰⴽⴽⵯ ⵉⴼⵔⴷⵉⵙⵏ ⵏ ⵉⵇⵇⴰⵏⵏ ⵉ ⵓⵎⵙⴰⵙⴰ ⵏⵏⵙ ⴷ ⵉⵙⴰⵖⵓⵍⵏ ⵉⵙⵏⵎⴰⵍⴰⵏ ⴰⵙⵓⵖⴷ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵙⴳⵎⵉ, ⵙ ⵓⵙⵃⵉⴹⵕ ⵏ ⵜⵅⵉⵜⵔⵜ ⵏ ⵜⵖⴰⵔⴰⵙⵉⵏ ⴷ ⵉⵖⴰⵡⴰⵙⵏ ⵉⴳⴰⵏ ⴰⴷⴰⴼ ⴰⴷⵙⵍⴰⵏ ⵏ ⵜⵕⵡⵉ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏⵏⴰ ⵉⴳⴰⵏ ⵢⴰⵜ ⴳ ⴽⵕⴰⴹⵜ ⵜⵔⵙⴰⵍ ⵏ ⵓⵙⵓⵖⴷ ⴰⵙⴳⵎⴰⵏ ⵉⵣⵣⵉⴳⵣⵏ, ⵜⴰⵙⴳⴰ ⵏ ⵓⵙⵙⵓⵎⵓ ⴷ ⵓⵙⵙⵎⵖⵓⵔ ⴰⴼⵔⴷⴰⵙ ⴷ ⵓⵏⴰⵎⵓⵏ.

ⵜⵡⴰⵜⵙ ⵜⴰⵏⵏⴰⵢⵜ ⴰ, ⵉⵡⵙ ⴳ ⵓⵙⵏⵎⴰⵍⴰ ⴷ ⵓⵙⴳⵓⵎ ⵏ ⵓⵙⵡⴰⵍⴰ ⴰⵏⵎⵍⴰⵏ ⴷ ⵓⵣⵣⵓⵍⴰⵏ ⴷ ⵓⵙⵙⴼⴰⵡ ⴰⵙⴷⴰⵡⴰⵏ ⴳ ⵓⵎⵏⵉⴷ ⵏ ⵜⴰⵔⵓⵔⵜ ⵏ ⵉⵡⵜⵜⴰⵙⵏ ⴷ ⵉⵎⵏⵣⴰⵢⵏ ⵏⵏⴰ ⵉⵍⵍⴰⵏ ⴳ ⵓⵙⵍⴳⵏ-ⴰⵙⴰⵜⵉ, ⴷ ⵓⵢⵏⵏⴰ ⵉⵎⵎⴰⵍ ⵓⵣⵓⵛⵛⵍ ⵏ ⵓⵙⵓⵖⴷ ⴰⴱⵉⴷⴰⵖⵓⵊⵉ ⴷ ⵓⵣⵣⵔⴰⵢ ⴰⵎⴰⵜⴰⵢ ⵅⴼ ⵓⵏⴳⵔⴰⵡ ⵏ ⵓⵙⵡⴰⵍⴰ.

ⴰⴳⴰⵎ ⵜⴰⵏⵏⴰⵢⵜ (ⵉⵍⵍⴰ ⵖⴰⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ)