ⴷⴰ ⵜⵙⵙⴽⴰⵏ ⵜⵖⵓⵔⵉ ⵢⴰⴷ ⵜⴰⵙⵏⵉⵎⴰⵍⵜ ⴰⴷⴷⴰⴷ ⵏ ⵓⵖⴰⵡⴰⵙ ⵏ ⵓⵙⴳⵎⵉ ⵓⵔ ⵉⵜⵜⵓⵙⵏⵎⴰⵍⴰⵏ ⴷ ⵓⵎⵏⵏⵓⵖ ⵎⴳⴰⵍ ⵜⴰⵇⵓⴱⴱⵉⵏⵜ, ⴷ ⵓⵙⵡⵜⵜⵓ ⵏ ⵜⵎⵓⴽⵔⵉⵙⵉⵏ ⵜⵉⵅⴰⵜⴰⵔⵉⵏ, ⴷ ⵓⵙⵓⵎⵔ ⵏ ⵜⵖⴰⵔⴰⵙⵉⵏ ⵏ ⵓⵙⵙⵎⵖⵔ ⵏ ⵉⵖⴰⵡⴰⵙⵏ ⴰⴷ, ⵍⵓⵎⴰⵕ ⴳ ⵜⵙⴳⴰ ⵏ ⵓⵏⴱⴰⴹ ⵏ ⵓⵏⴳⵔⴰⵡ, ⴷ ⵓⵙⵙⵣⵔⴱ ⵏ ⵜⵙⴽⵔⴰ, ⵜⵉⵕⵡⵉ ⵏ ⵓⵙⴰⵜⵉ, ⴰⵙⵥⵕⴼ ⴷ ⵓⵙⵎⵙⴰⵙⴰ ⵏ ⵜⵙⵏⵜⵉⵢⵉⵏ.
ⴰⴳⴰⵎ ⵏ ⵜⴰⵖⵓⵔⵉ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ
ⴰⴳⴰⵎ ⵏ ⵜⴰⵖⵓⵔⵉ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ
ⵜⵙⵙⵏⵜⵉ ⵜⴰⵏⵏⴰⵢⵜ ⵏ ⵓⵙⵇⵇⵉⵎ ⴳ ⵓⵙⴳⵓⵎ « ⴰⵙⵙⵎⵖⵔ ⵏ ⵜⴰⵣⵣⵓⵍⵜ ⴷ ⵜⵙⵎⵉⴳⴰⵍ ⵏ ⵜⵎⴳⴳⵉⵡⵙⵜ ⵜⴰⵙⴳⵎⴰⵏⵜ » ⵙⴳ ⵍⵍⵉⴳ ⵉⴳⴰ ⵓⴹⴼⴼⵓⵕ ⴷ ⵓⵙⵜⴰⵍ ⴷ ⵓⵣⵔⴰⵡ ⵙⴳ ⵜⵎⵥⵍⵉⵢⵉⵏ ⵜⵉⴷⵙⵍⴰⵏⵉⵏ ⵏ ⵓⵏⴳⵔⴰⵡ ⴰⵙⴳⵎⴰⵏ ⵏ ⵡⴰⵙⵙⴰ, ⵜⴳⴰ ⴷⵉⵖ ⵉⵎⴰⵙⵙⵏ ⵉⵣⵓⵛⵛⴰⵍⵏ ⵏ ⵜⵉⴹⴰⴼ ⴷ ⵓⵙⵏⴰⵍ ⴷ ⵓⵙⵡⵓⴷⴷⵓ ⵉⵖⵓⴷⴰⵏ ⵏ ⵉⵏⴳⵔⴰⵡⵏ ⵉⵙⴳⵎⴰⵏⵏ ⴷ ⵓⵙⵙⵉⵍⵢ ⴰⵙⵓⵍⴰⵏ ⵙ ⵜⵏⵎⵎⴰⵍⵉⵏ ⵏ ⵜⵕⵡⵉ ⵏⵏⵙ ⴷ ⵜⵢⴰⴼⵓⵜⵉⵏ ⵏⵏⵙ.
ⴰⴳⴰⵎ ⵏ ⵜⴰⵏⵏⴰⵢⵜ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ
ⴰⴳⴰⵎ ⵏ ⵜⴰⵏⵏⴰⵢⵜ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ
ⵜⵓⴹⴼ ⵜⴰⵏⵏⴰⵢⵜ ⵏ ⵓⵙⵇⵇⵉⵎ ⴰⴽⴰⵣ ⵏ ⵡⴰⴷⴷⴰⴷ ⵏ ⵉⵖⴰⵡⴰⵙⵏ ⵓⵔ ⵉⵜⵜⵓⵙⵏⵎⴰⵍⴰⵏ ⴷ ⵓⵎⵏⵏⵓⵖ ⵎⴳⴰⵍ ⵜⴰⵇⵓⴱⴱⵉⵏⵜ, ⴷ ⵓⵙⴽⴰⵏ ⵏ ⵜⵎⵓⴽⵔⵉⵙⵉⵏ ⵉⵛⵛⴰⵔⵏ ⵏⵏⴰ ⵉⴷⵙⵏ ⵉⵣⴷⵉⵏ, ⵙ ⵉⵎⵥⵍⵉ, ⵙ ⵓⵏⴱⴰⴹ ⵏ ⵉⵖⴰⵡⴰⵙⵏ ⴷ ⵓⵣⴷⴰⵢ ⴳⵔ ⵉⴽⵛⵛⵓⵎⵏ ⵏ ⵉⵎⴳⴳⴰⵢⵏ; ⵜⵉⵎⵓⴽⵔⵉⵙⵉⵏ ⵏⵏⴰ ⵉⵣⴷⵉⵏ ⴷ ⵜⴷⵔⵙⵉ ⵏⵏⴰ ⵉⵍⵍⴰⵏ ⴳ ⵓⵙⵙⴰⵜⵉ ⴷ ⵓⵙⵢⴰⴼⵓ ⴷ ⵓⵙⵎⵓⵜⵜⴳ, ⵔⵏⵓ ⴰⵙ ⴰⵏⴷⵍⴼ ⵉⵍⵍⴰⵏ ⴳ ⵓⵏⴳⵔⴰⵡ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ ⴷ ⵓⵙⵎⵓⵙⵙⵓ ⴰⵏⴰⵎⵓⵏ ⴷ ⵓⴹⴼⴼⵓⵕ ⴷ ⵓⵙⵜⴰⵍ ⴷ ⵜⵙⵍⴽⵏⵜ ⴷ ⵓⵙⵉⵜⴳ ⵏ ⵉⵎⵄⵉⵏⵏ ⴷ ⴳ ⵜⴳⵉⵔⴰ ⴰⵙⵥⵕⴼ.
ⴰⴳⴰⵎ ⵏ ⵜⴰⵏⵏⴰⵢⵜ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ
ⴰⴳⴰⵎ ⵏ ⵜⴰⵏⵏⴰⵢⵜ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ
ⵉⵡⴰⵜⵙ ⵓⵙⵖⴰⵍ ⵏ ⵜⴰⵏⵏⴰⵢⵜ ⴰⴷ ⵅⴼ ⵡⴰⴷⴷⴰⴷ ⴰⵎⵉⵔⴰⵏ ⵏ ⵜⴰⵣⵣⵓⵍⵜ ⵏ ⵜⵎⴳⴳⵉⵡⵙⵜ ⵜⴰⵙⴳⵎⴰⵏⵜ ⴷ ⵓⵙⵏⵉⵎⴰⵍ ⵏ ⵉⵎⴰⵍ ⵏⵏⵙ, ⵏⵏⴰ ⵉⵜⵜⵓⵙⴽⵔⵏ ⴳ ⵓⵙⴰⵜⵉ,ⵏ ⵓⵙⵙⵓⵊⴷ ⵏ ⵜⴰⵏⵏⴰⵢⵜ ⵏ ⵓⵙⵇⵇⵉⵎ ⵅⴼ « ⵓⵙⵙⴳⵎ ⵏ ⵜⴰⵣⵣⵓⵍⵜ ⴷ ⵜⵙⵎⵉⴳⵍⵉⵏ ⵏ ⵜⵎⴳⴳⵉⵡⵙⵜ ⵜⴰⵙⴳⵎⴰⵏⵜ » ⵉ ⵡⴰⴹⴰⴼ ⵏ ⵜⴰⵏⵏⴰⵢⵜ ⵏ ⵉⵎⴳⴳⵉⵡⵙⵏ ⵉⵙⴳⵎⴰⵏⵏ ⵅⴼ ⵜⴰⵣⵣⵓⵍⵜ ⵏⵏⵙⵏ ⴷ ⵜⴼⴰⴷⵉⵡⵉⵏ ⵏ ⵓⵣⵣⵉⴳⵣ ⵏ ⵜⵙⵎⵉⴳⵍⵉⵏ ⵏⵏⵙⵏ.
ⴰⴳⴰⵎ ⵏ ⵜⴰⵖⵓⵔⵉ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ
ⴰⴳⴰⵎ ⵏ ⵜⴰⵖⵓⵔⵉ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ
ⴷⴰ ⵜⴻⵜⵜⴰⵔⵎ ⵜⴰⵏⴰⴹⵜ ⴰⴷ, ⵏⵏⴰ ⵉⵜⵜⵓⵙⴽⵔⵏ ⴳ ⵓⵙⴰⵜⵉ ⵏ ⵜⵓⵚⴽⴰ ⵏ ⵜⴰⵏⵏⴰⵢⵜ ⵏ ⵓⵙⵇⵇⵉⵎ ⴳ ⵓⵙⴳⵓⵎ ⵏ « ⴰⵙⵎⴰⵢⵏⵓ ⵏ ⵜⴰⵣⵣⵓⵍⵜ ⴷ ⵜⵙⵎⵉⴳⵍⵉⵏ ⵏ ⵜⵎⴳⴳⵉⵡⵙⵜ ⵜⴰⵙⴳⵎⴰⵏⵜ », ⴰⵙⴽⴰⵏ ⵏ ⵜⵍⴰⵍⵜ ⵜⴰⵙⵟⵕⴰⵜⵉⵊⵉⵜ ⵏ ⵓⴳⵔⴰⵡ ⵏ ⵜⵎⴳⴳⵉⵡⵙⵜ ⵜⴰⵙⴳⵎⴰⵏⵜ, ⵙ ⵓⵣⵔⴰⵢ ⵅⴼ ⵉⵙⵓⵔⵙⵏ ⵉⵎⵣⵔⵓⵢⵏ ⴳ ⵜⵖⴰⵔⴰⵙⵜ ⵏ ⵓⴳⵔⴰⵡ ⴰⴷ, ⴷⵉⵖ ⵙ ⵡⴰⵜⵜⴰⴳ ⵅⴼ ⵓⵢⵏⵏⴰ ⵜⵓⵎⴰ ⵏ ⵢⵉⵔⵎⵏ ⵉⵎⵓⵔⴰⵏⵏ ⴷ ⵉⵎⵙⴰⴳⴰⵔⵏ ⵉⵙⴳⵎⴰⵏⵏ ⵉⵏⴰⵎⵓⵔⵏ ⴷ ⵉⵏⵎⵏⴰⴹⵏ, ⴷ ⵓⵙⵓⵜⵜⴳ ⵅⴼ ⵢⵉⴽⵣ ⴰⵏⵉⵍⴰⵡ ⵏ ⵜⵡⵓⵔⵉ ⵏ ⵉⵎⴳⴳⵉⵡⵙⵏ ⵉⵙⴳⵎⴰⵏⵏ ⴷ ⵙⴳ ⵓⵙⵡⴰⵍⴰ ⵏ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵜⵎⵓⵖⵍⵉ ⵉⵙⵏⵎⴰⵍⴰⵏ ⵜⴰⵎⴳⴳⵉⵡⵙⵜ ⵜⴰⵙⴳⵎⴰⵏⵜ.
ⵉⵚⴽⴰ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵜⴰⵍ ⵏ ⵡⵓⵟⵓⴼ ⴰⵏⵎⵍⴰⵏ 2008 ⵅⴼ ⵡⴰⴽⴰⵣ ⵏ ⵢⵉⵎⴳⵉⵜⵏ ⵉⵣⴷⵉⵏ ⴷ ⵜⵉⵏⵎⵍ ⴷ ⵜⴰⵡⵊⴰ ⴷ ⵓⵎⵏⴰⴹ, ⵉⵜⵜⴰⵡⵉⵏ ⵖⵔ ⴰⵎⵓⵔⵙ ⴰⵏⵎⵍⴰⵏ ; ⵉⴳⴰ ⵓⵡⵜⵜⴰⵙ ⴰⴷⵙⵍⴰⵏ ⵏ ⵓⵖⴰⵡⴰⵙ ⴰⴷ ⴰⵙⵔⵔⵓⵙ ⵏ ⵜⵙⵟⵕⴰⵜⵉⵊⵉⵏ ⵏ ⵓⵙⵙⵉⴽⵍ ⴷ ⵓⵙⴷⵓⵙ ⴰⵏⵎⵍⴰⵏ ⴷ ⵓⵏⴰⵎⵓⵏ ⴳ ⵓⵡⵜⵜⴰⵙ ⵏ ⵓⵙⵖⵓⴷⵓ ⵏ ⵡⴰⵜⵉⴳ ⵏ ⵜⵏⵍⵎⴰⴷⵉⵏ, ⵙ ⵜⵉⴽⴽⵉ ⵏ ⵜⵖⴹⴼⵜ ⵉ ⵓⵣⵎⵣⴰⵣⴰⵍ ⵏ ⵜⵢⴰⴼⵓⵜⵉⵏ ⵏ ⵉⵏⵍⵎⴰⴷⵏ ⴰⴽⴷ ⵜⵉⵎⵥⵍⵉⵢⵉⵏ ⵜⵉⵏⵉⵎⴰⵏⵉⵏ ⵏⵏⵙⵏ ⴷ ⵉⵎⴳⵉⵜⵏ ⵉⵎⵖⵜⴰⵙⵏ ⴳ ⵜⵖⵓⵔⵉ ⵏⵏⵙ ⴳ ⵜⵉⵏⵎⵍ, ⴳ ⵓⵡⵜⵜⴰⵙ ⵏ ⵓⵙⴽⴰⵏ ⵏ ⵉⵎⵣⴰⵔⴰⵢⵏ ⴳⵔ ⵜⵙⴳⴳⵯⵉⵏ ⵜⵉⵙⵏⵉⴳⵉⵜⵉⵏ ⵖⵓⵔ ⵉⵏⵍⵎⴰⴷⵏ ⴷ ⵜⵎⵥⵍⵉⵢⵉⵏ ⵏ ⵜⵎⵔⵙⴰⵍ ⵜⵉⵙⵍⵎⴰⴷⵉⵏ ⵉⵙⵜⵉⵏ ⵙ ⵜⵢⴰⴼⵓⵜⵉⵏ ⵖⵓⵔ ⵍⵍⴰⵏ ⵉⵙⵡⵉⵔ ⵉⵎⴰⵜⵜⴰⵢⵏ.
ⴰⴳⴰⵎ ⵜⴰⵏⴰⴹⵜ
ⴰⴳⴰⵎ ⵜⴰⵏⴰⴹⵜ
ⴰⴳⴰⵎ ⵜⴰⵏⴰⴹⵜ
ⴰⴳⴰⵎ ⵏ ⵜⴳⴹⵡⵉⵜ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ
ⴰⴳⴰⵎ ⵏ ⵜⴳⴹⵡⵉⵜ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ
Télécharger le fascicule des mathématiques
Télécharger le fascicule des sciences
ⵜⴳⴰ ⵜⵖⵓⵔⵉ ⵢⴰⴷ ⵢⴰⵜ ⵜⵢⴰⴼⵓⵜ ⵏ ⵢⵉⵔⵎ ⵏ ⵓⵏⴳⵔⴰⵡ ⴰⵙⴳⵎⴰⵏ ⴰⵏⴰⵎⵓⵔ ⴳ ⵢⵉⴳⵔ ⵏ ⵜⵎⴷⵔⴰⵡⵜ ⵜⴰⵎⵔⵙⴰⵍⵜ, ⴰⵔ ⵜⵙⵙⵓⵎⵓⵔ ⴰⴽⴰⵣ ⵉⵜⵜⵓⵚⴽⴰⵏ ⵅⴼ ⵜⵏⵖⵍⴰⴼ ⵏ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⵅⴼ ⵓⵙⴳⵓⵎ ⴰⴷ ⴳ ⴽⵜⵓⴱⵕ 2008 ⴷ ⵅⴼ ⵓⵙⴼⵙⵢ SWOT ⵏ ⵜⵎⴷⵔⴰⵡⵉⵏ ⵉⵜⵜⵓⴳⴰⵏ ⴷⵖⵉ ⴰⴽⴷ ⵜⵉⵏⵎⵍ ⵜⴰⵎⵖⵔⴰⴱⵉⵢⵜ.
ⵜⵏⵏⵓⵔⵣ ⵜⴰⵏⴰⴹⵜ ⴰⴷ, ⴰⵙⵎⵏⵉⴷ ⵏ ⵢⵉⴽⵣ ⵏ ⵡⴰⴷⴷⴰⴷ ⵏ ⵓⵏⴳⵔⴰⵡ ⴰⵏⴰⵎⵓⵔ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵜⵢⴰⴼⵓⵜⵉⵏ ⵏⵏⴰ ⵢⵉⵡⴹ, ⴷ ⵜⴼⵉⴽⴽⴰⵛ ⵏⵏⴰ ⵉⵙⵓⵍⵏ ⴷⴰⵜⴰⵙ, ⴰⵔ ⵜⵔⵣⵣⵓ ⵜⴰⵏⴰⴹⵜ ⴷⵉⵖ ⴰⴷ ⵜⴱⴷⴷ ⵅⴼ ⵉⵎⵣⴰⵔⴰⵢⵏ ⵉⵅⴰⵜⴰⵔⵏ ⵏⵏⴰ ⵉⵙⴱⴷⴰⴷⵏ ⴰⵣⵣⵉⴳⵣ ⵏ ⵓⵏⴳⵔⴰⵡ ⴷ ⵓⵔⵣⵣⵓ ⵅⴼ ⵉⵏⵓⵕⵥⵎ ⵏⵏⵙⵏ ⵉⵕⵡⴰⵏ, ⴷ ⴰⵢ ⵉⵍⵉⵏⵜ ⵜⵎⵉⵜⴰⵔ ⵏⵏⵙ ⵉⵕⵡⴰⵏ ⵅⴼ ⵉⵙⵓⵖⴷⵏ ⵢⴰⴹⵏ ⵏⵏⴰ ⵜⵕⵥⵎ ⵜⵎⵓⵔⵜ ⵏⵏⵖ ⵙⴳ ⴽⵉⴳⴰⵏ ⵏ ⵉⵙⴳⴳⵯⴰⵙⵏ ⴰⵢⴰ. ⴰⵔ ⵜⵙⵙⵓⵎⴰⵔ ⵜⴰⵏⴰⴹⵜ ⴰⴷ ⴰⵙⵏⵜⵓ ⵅⴼ ⵜⵣⵡⴰⵔⵏⵉⵏ ⵉⵏⵖⴷⵏ, ⴷ ⵜⵓⵚⴽⴰ ⵏ ⵓⵎⵇⵇⵓⵏ ⵏ ⵜⵎⵢⵉⵎⴰⵏⵜ ⵉⵖⵉⵢⵏ ⴰⴷ ⵢⴰⵡⵉ ⵖⵔ ⵉⵎⵏⵉⴷⵏ ⵉⵎⴰⵢⵏⵓⵜⵏ ⵉ ⵜⵉⵏⵎⵍ ⵜⴰⵎⵖⵔⴰⴱⵉⵢⵜ.
تحميل الجزء الأول : إنجاح مدرسة للجميع
تحميل الجزء الثاني : التقرير التحليلي
تحميل الجزء الثالث : أطلس المنظومة الوطنية للتربية والتكوين
تحميل الجزء الرابع : هيئة ومهنة التدريس
ⴰⴳⴰⵎ ⵏ ⵜⴳⴹⵡⵉⵜ
ⴰⴳⴰⵎ ⵏ ⵜⴳⴹⵡⵉⵜ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ
ⴰⵡⵜⵜⴰⵙ ⵏ ⵜⵖⵓⵔⵉ ⵢⴰⴷ ⵜⴰⵙⵎⵣⴰⵣⴰⵍ ⵜ ⵉⴳⴰ ⴰⵙⵎⵏⵉⴷ ⵏ ⵉⵏⴳⵔⴰⵡⵏ ⵏ ⵓⵙⴳⵎⵉ ⴰⵙⴳⵓⵎ ⵏ ⵓⵙⵎⵣⴰⵣⴰⵍ ⴰⴽⴷ ⴰⵙⴼⵙⵔ ⵏ ⵜⵓⵎⴰⵢⵉⵏ ⴷ ⵉⵎⵏⴰⴷⵏ ⵉⵅⴰⵜⴰⵔⵏ ⴳ ⵢⵉⴳⵔ ⵏ ⵜⵎⴷⵔⴰⵡⵜ ⵉ ⵜⵉⵏⵎⵍ ⵜⴰⵎⵖⵔⴰⴱⵉⵢⵜ, ⵜⵙⴷⵓⵙ ⴰⵢⴷ ⵙ ⵉⵙⴼⴽⴰ ⵉⵙⵏⵎⴽⵜⴰⵢⵏ, ⴷ ⵡⵓⵎⵓ ⵏ ⵜⵎⴷⵔⴰⵡⵉⵏ ⴰⴷ ⴷ ⵡⴰⵏⴰⵡ ⵏ ⵉⵎⴷⵔⴰⵡⵏ ⴷ ⵜⵡⵓⵔⵉⵡⵉⵏ ⵉⵕⵡⴰⵏ ⴷ ⵢⵉⵖⵉⵢ ⵏ ⵜⵓⴼⵔⴰⵢⵜ ⵜⴰⵏⴰⵎⵓⵔⵜ ⵏⵏⵙ. ⵜⵓⵎⴰ ⵜⵓⵙⵙⵉⴼⵜ ⵏ ⵜⵖⵓⵔⵉ ⵜⴰⵎⵓⵔⵜ ⵏ ⵍⵓⵕⴹⵓⵏ, ⴽⴰⵏⴰⴷⴰ, ⴼⵕⴰⵏⵙⴰ, ⵜⵓⵏⵙ, ⵎⴰⵍⵉⵣⵉⵢⴰ, ⴽⵓⵍⵓⵎⴱⵢⴰ ⴷ ⵎⴰⵔⵉⴽⴰⵏ.
ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⵍⵎⴷ, ⵙ ⵢⵉⵡⵙ ⵏ ⵜⵎⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴷ ⵜⵎⴰⵡⵙⴰⵙⵜ ⵏ ⵜⵡⵓⵔⵉ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ, ⴷ ⵜⴰⵎⵓⵏⵉⵏ ⵜⵉⵎⴰⵜⴰⵢⵉⵏ ⵏ ⵜⵎⵙⵙⵏⵜⵉⵢⵉⵏ ⵏ ⵍⵎⵖⵔⵉⴱ, ⴷ ⵜⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⴷⵖⵔⴰⵏⵉⵏ, ⵢⴰⵜ ⵜⵉⵏⴰⵡⵜ ⵅⴼ « ⵜⴰⵎⴷⵔⴰⵡⵜ ⵜⴰⵎⵔⵙⴰⵍⵜ ⴳ ⵓⵡⵜⵜⴰⵙ ⵏ ⵜⵉⵏⵎⵍ ⵜⴰⵎⵖⵔⴰⴱⵉⵢⵜ », ⵓⵙⵙⴰⵏ ⵏ 21 ⴷ 22 ⴽⵜⵓⴱⵕ 2008 ⴳ ⵓⵙⴰⵢⵔⴰⵔ ⵏ ⵉⵙⴼⵙⴰⵔ ⵉⵣⴷⵉⵏ ⴷ ⵓⵙⵉⵔⴰ ⵏ ⵚⵚⵕⴼ ⴳ ⴹⴰⵕⵍⴱⵉⴹⴰ.