ⴰⵙⴳⴳⵯⴰⵙ ⵏ ⵓⵙⵥⵕⴳ : 2022
ⴰⵏⴰⵡ : ⴰⴷⵍⵉⵙ
ⵜⴳⴰ ⵜⵖⵓⵔⵉ ⵢⴰⴷ ⴰⵙⴰⴷⴰⴼ ⵉ ⵜⵖⵓⵔⵉ ⵏ ⴽⵔⴰ ⵏ ⵜⵙⴳⴳⴳⵯⵉⵏ ⵏ ⵉⵎⵓⵜⵜⵓⵢⵏ ⵏⵏⴰ ⵉⵥⵕⴰ ⵡⴰⵎⵓⵏ ⴰⵎⵖⵔⴰⴱⵉ ⴳ ⵜⵙⴳⴰ ⵜⴰⵏⴰⵎⵓⵔⵜ ⴷ ⵜⵏⵎⵏⴰⴹⵜ, ⵙ ⵉⵎⵥⵍⵉ ⴽⵔⴰ ⵏ ⵜⵡⵍⴰⴼⵉⵏ ⴷ ⵜⴳⵓⵔⵉⵡⵉⵏ ⴷ ⵉⵙⵇⵙⵉⵜⵏ ⵅⴼ ⵓⵙⵜⵔⴰⵔ ⵏ ⵓⵏⴳⵔⴰⵡ ⴰⵙⴳⵎⴰⵏ, ⴷⴰ ⵉⵜⵜⴰⵏⵏⴰⵢ ⵓⵎⴰⵔⴰ ⵉⵙ ⵜⴰⵎⵙⴰⵔⵜ ⵜⴰⵙⴳⵎⴰⵏⵜ ⵜⴰⵖⵓⵍ ⵜⴳⴰ ⵢⴰⵜ ⴳ ⵜⵓⵎⴰⵢⵉⵏ ⵜⵉⴷⵙⵍⴰⵏⵉⵏ ⵏ « ⵜⵎⵙⴰⵔⵜ ⵜⴰⵏⴰⵎⵓⵏⵜ » ⴳ ⵡⴰⵎⵓⵏ ⴰⵎⵖⵔⵉⴱⵉ ⴰⵜⵔⴰⵔ.
ⴰⵢⵏⵏⴰ ⵏⵖⵉⵢ ⴰⴷ ⵏⴰⴽⵣ ⴳ ⵜⴳⵎⵉ ⵏ ⵜⴳⵓⵔⵉⵡⵉⵏ ⴷ ⵉⵙⵖⵏⴰ ⵏ ⵓⵙⵜⵔⴰⵔ ⴰⵙⴳⵎⴰⵏ ⴳ ⵓⵙⵡⵉⵏⴳⵎ ⴰⵎⵖⵔⴰⴱⵉ ⴰⵜⵔⴰⵔ ⵉⴳⴰ ⵉⵙⴷ ⵙ ⵜⴷⵙⵍⴰ, ⵜⵍⵍⴰ ⴳⵔ ⵓⵢⵏⵏⴰ ⵉⵣⵔⵉⵏ ⴷ ⵓⵢⵏⵏⴰ ⵉⴳⴰⵏ ⴰⵜⵔⴰⵔ, ⵜⴰⵥⵓⵕⴰⵏⵜ ⴷ ⵜⴰⵜⵔⴰⵔⵜ. ⴰⵢⵏⵏⴰ ⵉⵜⵜⵎⵓⵜⵜⵓⵢⵏ ⴷⵉⴳⵙ ⵉⴳⴰ ⴽⵔⴰ ⵏ ⵜⵎⴰⵢⵏⵓⵜⵉⵏ ⵜⵉⵣⵎⵣⴰⵏⵉⵏ ⵉⵜⵜⴱⴷⴷⴰⵍⵏ ⵙⴳ ⵓⵣⵎⵣ ⵖⵔ ⵡⴰⵢⴹ. ⴰⵢⴰ ⴷⴰ ⵉⵙⵙⵉⴽⵣⵏ ⵡⴰⵔ ⵜⴰⵍⴰⵍⵉⵜ ⵏ ⵓⵙⵡⵉⵏⴳⵎ ⴰⵜⵔⴰⵔ ⴰⵎⵏⵍⵍⵉ ⵏⵏⴰ ⵉⵙⵎⵏⵉⴷⵏ ⴰⵙⵏⴰⵢ ⵉⵎⴷⴰⵏ ⵉⵎⵙⴰⵙⴰⵏ ⴳⵔ ⵡⵓⴷⵎⴰⵡⵏ ⴰⴷ : ⴰⵢⴷⴰ ⴷ ⵓⵜⵔⴰⵔ, ⴰⵔ ⵉⵜⵜⴱⵢ ⴰⵎⵅⴰⵎⵎⴰ ⴳⵔⴰⵙⵏ.