ⵍⵍⵉⴳ ⵉⴳⴰ ⵜⵓⵚⴽⴰ ⵏ ⵓⵙⴷⵓⵙ ⴰⵏⵜⴰⵎ ⴳ ⵜⵏⴰⴼⵓⵜ ⵏ ⵓⵙⵇⵇⵉⵎ ⴷ ⵉⴳⵔⴰⵡⵏ ⵏⵏⵙ, ⴷⴰ ⵉⵙⵡⵓⵔⵉ ⵡⴰⵎⵎⴰⵙ ⵏ ⵓⵏⵜⴰⵎ ⴷ ⵜⵥⵕⵉⴳⵜ ⴷ ⵓⵙⵓⵖⵍ ⵅⴼ :
- ⴰⵙⵔⵓⵙ ⴷ ⵓⵙⵙⴳⵎ ⵏ ⵡⴰⵎⵎⴰⵙ ⵏ ⵓⵏⵜⴰⵎ ⵉⵥⵍⵉⵏ ⴷ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⵏⵏⴰ ⵉⵙⵙⵓⵔⵓⴼⵏ ⴰⴷⴰⴼ ⵖⵔ ⵉⵏⵖⵎⵉⵙⵏ ⵉⴱⵉⴱⵍⵢⵓⴳⵔⴰⴼⵉⵢⵏ ⴷ ⵉⴷⵍⵉⵙⵏ ⴷ ⵜⵙⵖⵓⵏⵉⵏ ⴷ ⵜⵖⵓⵔⵉⵡⵉⵏ ⴷ ⵜⴰⵏⴰⴹⵉⵏ ⵜⵉⵙⵓⵖⴰⵍⵉⵏ ⴳ ⵢⵉⴳⵔⴰⵏ ⵏ ⵓⵙⵡⵓⵔⵉ ⵏ ⵓⵙⵇⵇⵉⵎ ;
- ⴰⵙⵓⵖⵍ ⴷ ⵓⵙⵉⵜⴳ ⵏ ⵜⵥⵕⵉⴳⵉⵏ ⵏ ⵓⵙⵇⵇⵉⵎ.
ⴳ ⵓⵡⵜⵜⴰⵙ ⵏ ⵓⵢⴰⴷ, ⵢⵓⵙⵉ ⵡⴰⵎⵎⴰⵙ ⵜⵉⵙⵎⵉⴳⵍⵉⵏ ⴰⴷ :
- ⴰⵙⴽⴰⵔ ⴷ ⵓⵙⵡⵓⴷⴷⵓ ⴰⴳⵔⵉⵡ ⴰⵏⵜⴰⵎ ⵉⵥⵍⵉⵏ ⵙ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵉⵙⵎⵓⵏ ⴳⵔ ⵉⵙⴰⴳⵎⵏ ⵉⵏⵜⴰⵎⵏ ⵅⴼ ⵜⵡⵕⵉⵇⵜ ⴷ ⵉⵙⴰⴳⵎⵏ ⵉⵎⵓⵟⵟⵓⵏⵏ ;
- ⴰⵙⵓⵔⴼ ⵏ ⵡⴰⴷⴰⴼ ⵖⵔ ⵓⴳⵔⵉⵡ ⵓⵏⵜⵉⵎ ⴳ ⵓⵣⵎⵣ ⴷ ⵢⵓⵙⴰⵏ, ⵙ ⵉⵎⴰⵙⵙⵏ ⴰⴽⴽⵯ ⵉⵍⵍⴰⵏ ;
- ⵜⴰⵎⴷⵔⴰⵡⵜ ⴳ ⵡⴰⵍⴰⵙ ⵏ ⵜⵓⵚⴽⴰ ⵏ ⵓⵙⵎⴽⵜⵉ ⵓⵏⵜⵉⵎ ⵏ ⵜⵉⵏⵎⵍ ⵜⴰⵎⵖⵔⴰⴱⵉⵢⵜ ;
- ⴰⵙⵓⵔⴼ ⵏ ⵜⵓⴳⴳⴰ ⵅⴼ ⵓⴳⵔⵉⵡ ⵓⵏⵜⵉⵎ ⵏ ⵉⵎⵔⵣⴰ ⴳ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ;
- ⴰⵙⵉⵜⴳ ⵏ ⵜⵥⵕⵉⴳⵉⵏ ⵏ ⵓⵙⵇⵇⵉⵎ ⴷ ⵓⵙⵙⵓⵀⵏ ⵏ ⵡⴰⴷⴰⴼ ⵖⵓⵔⵙⵏⵜ.
ⵙ ⵜⵙⵏⴰ ⵢⵉⵡⴹⵏ 400 ⵎ², ⴷ ⵜⵓⵎⴰⵢⵜ ⵉⵖⵉⵢⵏ ⴰⴷ ⵢⴰⵡⴹ 270 ⵏ ⵎⵉⵜⵔⵓ ⴳ ⵜⴰⵖⵣⵉ (ⴰⵜⵜⴰⵢ ⵏ 8100 ⵏ ⵓⴽⵙⴰⵢ), ⴷⴰ ⵉⵙⵎⵏⵉⴷ ⵡⴰⵎⵎⴰⵙ ⵏ ⵓⵏⵜⴰⵎ ⵢⴰⵏ ⵓⵙⴰⵢⵔⴰⵔ ⵉⵏⵏⵓⵕⵥⵎⵏ ⵉⵙⵡⵓⵔⵉⵏ ⴳ ⵍⵍⴰⵏ 34 ⵏ ⵉⵙⵖⵉⵎⵏ.