ⴰⵙⴳⴳⵯⴰⵙ ⵏ ⵓⵙⵥⵕⴳ : 2018
ⴰⵏⴰⵡ : ⴰⴷⵍⵉⵙ
ⴽ. ⵎ. ⵎⵍⴽⴰⵀⴰⵢ, ⴷ. ⴰ. ⵎⵍⴽⴰⵀⴰⵢ, ⴷ. ⵊ. ⵎⵍⴽⴰⵀⴰⵢ
ⵍⴰⵏⴷⴰⵏ, ⵏⵢⵓⵢⵓⵕⴽ : ⵔⵓⵜⵍⵉⴷⵊ, 2015, 200 ⵏ ⵜⴰⵙⵏⵉⵡⵉⵏ
ⵉⵡⴰⵜⵙ ⵓⴷⵍⵉⵙ ⴰⴷ ⴰⴷ ⵉⵙⵙⴽⵏ ⵉⵡⵜⵜⴰⵙⵏ ⵏ ⵓⵙⴳⵎⵉ ⵙ ⵓⴱⵔⵉⴷ ⵏ ⴽⵉⴳⴰⵏ ⵏ ⵉⵙⵇⵙⵉⵜⵏ ⵅⴼ ⴽⵉⴳⴰⵏ ⵏ ⵜⵎⵙⴰⵔⵉⵏ ⵜⵉⵙⴳⵎⴰⵏⵉⵏ ⴰⵎⵎ ⵡⵓⴽⵓⵙ ⵏ ⵜⵇⵓⴱⴱⴰⵏⵉⵜ, ⴰⵙⵍⴰⴳ ⵏ ⵓⵙⵍⵎⴷ, ⴰⵙⵍⵎⴷ ⵓⵙⵍⵉⴳ ⴷ ⵓⵙⵍⵎⴷ ⴰⵎⵣⵡⴰⵔ, ⵔⵏⵓ ⵢⴰⵙ ⵜⴰⴱⵉⴷⴰⵖⵓⵊⵉⵜ ⵜⴰⵎⵣⵖⴰⵏⵜ. ⵢⴰⴷⴷ ⵓⵎⴰⵔⴰ ⵏ ⵓⴷⵍⵉⵙ ⵅⴼ ⴽⵕⴰⴹ ⵉⵡⵜⵜⴰⵙⵏ ⵉⴷⵙⵍⴰⵏⵏ ⵉⴳⴰⵏ, ⴳ ⵓⵎⵣⵡⴰⵔⵓ ⵓⵣⵓⴼ ⵅⴼ ⵡⴰⵜⵉⴳⵏ ⵏ ⵓⵎⵣⴰⵣⵣⴰⵍ ⴳ ⵢⵉⴳⵔ ⵏ ⵓⵙⴳⵎⵉ ⴷ ⵓⵣⴷⴰⵢ ⵏⵏⵙ ⴰⴽⴷ ⵜⵓⵎⴰⵢⵉⵏ ⵜⵉⴱⵉⴷⴰⵖⵓⵊⵉⵏ ⴷ ⵜⵓⵎⴰⵢⵉⵏ ⵜⵉⵏⵍⵎⴰⴷⵉⵏ ; ⵡⵉⵙⵙ ⵙⵉⵏ ⵉⵡⵜⵜⴰⵙⵏ ⵉⴳⴰ ⴰⵎⵢⴰⴷⴰⵙ ⵏ ⵜⵎⵓⵖⵍⵉⵡⵉⵏ ⵅⴼ ⵓⵙⵍⵎⴷ ⵓⵙⵍⵉⴳ ⵏⵖ ⴰⵍⵉⴱⵉⵕⴰⵍⵉ ⴷ ⵜⵎⵔⵓⵔⵜ ⵏⵏⵙ ; ⴳ ⵜⴳⵉⵔⴰ, ⵜⴰⵎⵔⵓⵔⵜ ⵅⴼ ⴽⵉⴳⴰⵏ ⵏ ⵉⵙⵇⵙⵉⵜⵏ ⵏⵏⴰ ⵉⴳⴰⵏ ⴰⵣⴷⴰⵢ ⵉⵍⵍⴰⵏ ⴳⵔ ⵜⵙⵔⵜⴰⵢ ⴷ ⵓⵙⵡⵓⵔⵉ ⴰⴷⴳⵎⴰⵏ.