ⵜⴰⵏⴰⴹⵜ ⵏ « ⵜⵉⵎⵍ ⵏ ⵜⵣⵔⴼⵜ ⵜⴰⵏⴰⵎⵓⵏⵜ » ⵜⴳⴰ ⴰⴷⵔⴰⵡ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴳ ⵓⵙⵡⵉⵏⴳⵎ ⵅⴼ ⵓⵙⵎⴰⵢⵏⵓ ⵏ ⵓⵣⵓⵔⵜ ⴰⴳⴰⵎⴰⵏ ⴳ ⵓⵡⵜⵜⴰⵙ ⵏ ⵡⴰⵍⴰⵙ ⵏ ⵜⵎⵓⵖⵍⵉ ⴳ ⵓⵎⴳⴳⴰⵔⵓ ⵢⴰⴷ, ⴰⴼⴰⴷ ⴰⴷ ⵢⴰⵖⵓⵍ ⵉⴳⴰ ⴰⵎⴰⵜⴰⵢ, ⴰⵎⵙⵉⴷⴼ ⴷ ⵡⵓⵣⵔⵉⴼ ⵓⴳⴰⵔ, ⴷ ⴰⴷ ⵢⵉⵖⵉⵢ ⴰⴷ ⵢⴰⵍⵙ ⵉ ⵓⵙⵏⵓⵍⴼⵓ ⵏ ⵓⵣⴷⴰⵢ ⴰⵏⴰⵎⵓⵏ ⵉⵍⵍⴰⵏ ⴰⵀⴰ ⵜⴰⵙⴳⴰ ⵏ ⵡⴰⵎⵓⵏ ⵓⵣⵔⵉⴼ. ⵉⵎⵣⴰⵔⴰⵢⵏ ⵉⵏⴰⵎⵓⵏⵏ ⵏⵏⴰ ⴷⴰ ⵎⵉ ⵔⵏⵏⵓⵏ ⵉⵎⵣⴰⵔⴰⵢⵏ ⵉⵏⵎⵍⴰⵏⵏ, ⴷⴰ ⵏⵣⵣⵖⵏ ⴰⵎⵓⵏ ⴰⴽⴽⵯ ⵖⵔ ⵉⵣⴷⴰⵔ. ⵅⴼ ⵓⵢⴰⴷ, ⵉⴳⴰ ⵓⴹⵎⴰⵏ ⵏ ⵓⵙⵉⴽⵙⵍ ⵏ ⵉⵣⵎⴰⵣ ⵉ ⵉⵛⵉⵔⵔⴰⵏ ⴰⴽⴽⵯ ⴳ ⵡⴰⴷⴰⴼ ⵖⵔ ⴰⵙⴳⵎⵉ ⵉⵕⵡⴰⵏ ⵙ ⵢⵉⵙⵎ ⵏ ⵓⵙⵉⴽⵙⵍ ⴰⵏⴰⵎⵓⵏ, ⵡⴰ ⵉⴳⴰ ⵜⴰⵔⵙⵍⵜ ⵏⵏⴰ ⵅⴼ ⵜⵚⴽⴰ ⵜⵎⵓⵖⵍⵉ ⵜⴰⵙⵟⵕⴰⵜⵉⵊⵉⵜ 2015-2030. ⴰⵣⵣⵉⴳⵣ ⵖⵔ ⵡⴰⵎⵓⵏ ⵉⵚⴽⴰⵏ ⵅⴼ ⵓⵙⵓⴳⵔ ⴷ ⵜⵣⵔⴼⵜ ⵜⴰⵏⴰⵎⵓⵏⵜ ⵉⵇⵇⴰⵏ ⵜ ⵉⵏ ⴰⴷ ⵉⵕⵕⵣ ⴰⵣⴷⴰⵢ ⵉⵍⵍⴰⵏ ⴳⵔ ⵓⵥⵓⵕ ⴰⵏⴰⵎⵓⵏ ⴷ ⵓⴷⴳⴰⵔ ⴰⵏⵎⵍⴰⵏ ⵏ ⵓⵏⵍⵎⴰⴷ, ⴰⵙⴳⵎⵉ ⴷ ⴷⵓⵙⵎⵓⵜⵜⴳ ⵍⵍⴰⵏ ⴰⴳⵓⵏⵙ ⵏ ⵜⵎⵓⴽⵔⵉⵙⵜ ⴰⴷ. ⵙ ⵡⴰⵡⴰⵍ ⵢⴰⴹⵏ, ⵉⵇⵇⴰⵏ ⵏ ⴰⴷ ⵉⴳ ⵓⵙⵓⴳⵔ ⴰⵏⵉⵎⴰⵏ ⵜⴰⵖⴰⵔⴰⵙⵜ ⵜⴰⵢⵉⵡⴰⵏⵜ ⵏ ⵜⴳⵎⵉ ⵜⴰⵏⴰⵎⵓⵏⵜ ⵙ ⵜⵖⴰⵔⴰⵙⵜ ⵏ ⵜⵕⵡⵉ ⴷ ⵓⵙⵡⵉⵔ ⵏ ⵓⵙⵎⵓⵜⵜⴳ ⵏⵏⴰ ⵉⵜⵜⵓⵢⴰⵎⵥⵏ. ⴰⵙⵙⵉⵍⵢ ⴳ ⵡⴰⵜⵉⴳ ⵏ ⵜⵉⵏⵎⵍ, ⴷ ⵓⵙⵖⵓⴷⵓ ⵏ ⵜⵏⴰⴼⵓⵜⵉⵏ ⵏⵏⵙ ⴷ ⵜⵡⵓⵔⵉⵡⵉⵏ ⵏⵏⵙ ⵜⵉⴷⴰⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ, ⵓⵔ ⵏⵜⵜⴻⵜⵜⵓ ⴰⵡⴷ ⵢⴰⵏ ⵓⵎⴷⴰⵏ, ⴰⵣⵓⵛⵛⵍ ⴰⴷⵙⵍⴰⵏ ⴳ ⵜⵎⵓⵖⵍⵉ ⵏ ⵓⵣⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ ⵜⴰⵎⵙⵙⵓⵎⵓⵜ ⵜⴰⵙⵓⵍⴰⵏⵜ. ⴰⵙⴳⵎⵉ ⵉⴳⴰ ⵜⴰⵙⵉⵍⴰ ⵅⴼ ⵉⵜⵜⵓⵚⴽⴰ ⵓⵣⵓⵔⵜ, ⵜⵔⴰ ⴰⴷ ⵓⵔ ⵏⵙⵙⵍⴽⵉ ⴰⵏⵓⵔⵣ ⵏ ⵓⵙⵎⵓⵙⵙ ⵉⵛⵉⵔⵔⴰⵏ ⴰⴽⴽⵯ ⴳ ⵓⴱⵔⵉⴷ ⵏ ⵓⵎⵓⵔⵙ, ⴱⴰⵍⴰ ⴰⴷ ⵏⵥⵕ ⴳ ⵉⵥⵓⵕⴰⵏ ⵏⵏⵙⵏ ⵉⵏⴰⵎⵓⵏⵏ ⵏⵖ ⵉⵊⵖⵔⴰⴼⵉⵢⵏ, ⵏⵖ ⴰⵏⴰⵡ ⵏⵏⵙⵏ ⵏⵖ ⴰⴷⴷⴰⴷ ⵏⵏⵙⵏ ⴰⵏⵉⵎⴰⵏ.
ⴰⴳⴰⵎ ⵜⴰⵏⴰⴹⵜ