ⴳ ⵓⵡⵜⵜⴰⵙ ⵏ ⵓⵙⵔⵓⵙ ⵏ ⵓⵏⴳⵔⴰⵡ ⴰⵖⵎⵙⴰⵏ ⴰⵏⴰⵎⵓⵔ  ⴰⵎⴰⴷⴰⴼ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ

ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⵍⵎⴷ, ⴷ ⵜⵎⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵏⴰⴼⴰⵍⵍⴰ ⴷ ⵓⵙⵎⵓⵜⵜⴳ ⵏ ⵉⵙⴰⵜⵉⵏ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴷ ⵜⵎⴰⵡⵙⴰⵙⵜ ⵏ ⵓⵙⵡⵓⵔⵉ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ, ⵙⵉⵏ ⵡⵓⵙⵙⴰⵏ ⵏ ⵜⵖⵓⵔⵉ ⵅⴼ ⵓⵙⴳⵓⵎ ⵏ « ⴳ ⵓⵡⵜⵜⴰⵙ ⵏ ⵓⵙⵔⵓⵙ ⵏ ⵓⵏⴳⵔⴰⵡ ⴰⵖⵎⵙⴰⵏ ⴰⵏⴰⵎⵓⵔ  ⴰⵎⴰⴷⴰⴼ ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ » ⵓⵙⵙⴰⵏ ⵏ 26 ⴷ 27 ⴽⵜⵓⴱⵕ 2011 ⴳ ⵡⴰⵎⵎⴰⵙ ⵏ ⵉⵙⵎⵓⵜⵜⴳⵏ ⴷ ⵉⵏⵎⵓⴳⴳⴰⵔⵏ ⵉⵏⴰⵎⵓⵔⵏ ⴳ ⵕⵕⴱⴰⵟ.

ⵉⵡⴰⵜⵙ ⵓⵏⵎⵓⴳⴳⴰⵔ ⴰⴷ ⴰⵙⵙⵏⵡⵓ ⵏ ⵜⵎⵢⴰⴷⴰⵙⵉⵏ ⵉⵜⵜⴰⵡⵙⵏ ⵅⴼ ⵓⵙⵍⵍⵡⵓ ⵏ ⵢⴰⵏ ⵓⵖⴰⵡⴰⵙ  ⴰⵙⵖⵏⴰⵏ ⵉⵛⵛⴰⵔⵏ ⵉ ⵓⵙⴷⵓⵙ ⵏ ⵓⵏⴳⵔⴰⵡ ⴰⵖⵎⵙⴰⵏ ⴰⵏⴰⵎⵓⵔ ⴰⵏⴰⴷⴰⴼ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴰⴷ ⵢⵉⵍⵉ ⴰⵎⵙⴰⵙⴰⵏ, ⴰⵙⴷⵖⴰⵏ, ⵉⵖⵉⵢⵏ ⴰⴷ ⵉⵙⵙⵉⴷⴼ ⴽⵉⴳⴰⵏ ⵏ ⵉⵙⴼⴽⴰ ⴷ ⵜⵏⵎⵎⴰⵍⵉⵏ, ⵜⴰⵙⵎⴽⵜⴰ ⴷ ⵜⵎⴰⵏⴰⵡⵜ, ⵉⵣⴷⵉⵏ ⴷ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ.

ⵉⵖⵉⵢ ⵓⵏⴳⵔⴰⵡ ⵙ ⵜⵎⵥⵍⵉⵢⵉⵏ ⴰⴷ, ⴰⴷ ⵉⴳ ⵜⴰⵙⴰⵖⵓⵍⵜ ⵏ ⵜⵓⴽⴽⵉ ⵏ ⵉⵎⴰⵣⵣⴰⵍⵏ ⴰⴽⴽⵯ ⵉⵎⵏⵜⴰⵢⵏ ⴷ ⵉⵎⵙⵡⵓⵔⴰ ⴷ ⵉⵎⵓⵣⴰⵢ, ⵉⵏⴰⵎⵓⵔⵏ ⴷ ⵉⵎⴰⴹⵍⴰⵏⵏ, ⵙ ⵜⵙⵉⵍⴰ ⵏ ⵉⵙⴼⴽⴰ ⴷ ⵉⵏⵎⵎⴰⵍⵏ ⵉⵣⵓⵛⵛⴰⵍ ⵏ ⵓⵙⵡⵓⴷⴷⵓ ⵏ ⵓⵏⴳⵔⴰⵡ ⴷ ⵓⵏⵙⵙⵉⵅⴼ ⵏⵏⵙ ⴷ ⵓⵙⵜⴰⵍ ⵏⵏⵙ, ⵍⵓⵎⴰⵕ ⵙ ⵓⴱⵔⵉⴷ ⵏ ⵢⵉⵡⵙ ⵅⴼ ⵓⵙⴽⴰⵔ ⵏ ⵉⵙⵖⵥⵏⵏ ⵉⵎⴰⵜⴰⵢⵏ ⴷ ⵡⴰⴹⴰⴼ ⵏ ⵜⵎⵓⴽⵔⵉⵙⵉⵏ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵙⴳⵎⵉ  ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴳ ⵓⴱⵔⵉⴷ ⵏ ⵓⵙⵙⴼⴰⵡ ⵏ ⵉⵎⵙⵡⵓⴷⴷⴰ  ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵓⵙⵡⵓⵜⵜⵓ ⵏ ⵉⵖⴰⵡⴰⵙⵏ ⵏ ⵓⵙⵓⵖⴷ  ⴷ ⵓⵣⵣⵔⴰⵢ ⵏⵏⵙ ⵎⴽ ⵏ ⵉⵇⵇⴰⵏ.

ⵉ ⵓⵡⵜⵜⴰⵙ ⴰⴷ, ⵜⴻⵜⵜⵓⵙⴽⵔⵏⵜ ⵜⵡⵓⵔⵉⵡⵉⵏ ⵏ ⵙⵉⵏ ⵡⵓⵙⵙⴰⵏ ⴰⴷ ⵙ ⵓⵎⵙⴰⵙⴰ ⴷ ⵡⴰⴳⵓⵎ ⴰⵙⵖⵥⴰⵏ ⴳ ⵍⵍⴰⵏⵜ ⵜⵖⵓⵔⵉⵡⵉⵏ ⵜⵉⵎⵣⴰⵣⵣⴰⵍⵉⵏ ⵏ ⵉⵇⵇⴰⵏⵏ ⵉ ⵓⵙⵔⵔⵓⵙ ⴰⵙⵓⵍⴰⵏ ⵏ ⵓⵏⴳⵔⴰⵡ ⴰⴷ ⴰⵖⵎⵙⴰⵏ, ⵏⵏⴰ ⵉⴳⴰⵏ ⴰⵙⴰⵡⵔ ⴰⴷⵙⵍⴰⵏ ⴳ ⵜⴷⵉⵏⴰⵎⵉⵜ ⵏ ⵓⵙⴷⵓⵙ ⵏ ⵓⵏⴱⴰⴹ ⵉⵕⵡⴰⵏ  ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵙⴳⵎⵉ ⴷ ⵓⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ .

ⴰⴳⴰⵎ ⵜⵉⵡⵓⵔⵉⵡⵉⵏ ⵏ ⵜⵉⵏⴰⵡⵜ