ⵙ ⵓⵏⵓⵕⵥⵎ ⵏ ⵜⵙⵓⵜⵍⵜ ⵜⵓⵣⵔⵉⴼⵜ ⵜⵉⵙⵙ ⵙⵏⴰⵜ, ⴷⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⴳⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴰⵏⵎⵓⴳⴳⴰⵔ ⵏ ⵓⵏⵏⵓⵕⵥⵎ ⵉ ⵓⵙⵎⵏⵉⴷ ⵏ ⵉⴳⵎⴰⵎⵏ ⵉⵎⴰⵢⵏⵓⵜⵏ ⴰⵙⵙ ⵏ 13 ⴷⵓⵊⴰⵎⴱⵉⵔ 2022 ⵅⴼ ⵜⵙⴰⵔⴰⴳⵜ ⵜⵉⵙⵙ ⵙⵏⴰⵜ ⵏ ⵜⵎⴷⴷⵉⵜ (14 :00) ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵉⵍⵍⴰⵏ ⴳ ⵓⵎⵍⴰⵍⴰ ⵏ ⵜⴰⵙⵓⴽⵜ ⵄⵍⵍⴰⵍ ⵍⴼⴰⵙⵉ ⴷ ⵜⴰⵙⵓⴽⵜ ⵄⴱⴷ ⵍⴽⵔⵉⵎ ⵍⵅⴰⵟⵉⴱ (ⵍⵎⵉⵍⵢⴰ ⵣⵡⴰⵔ) ⵃⴰⵢ ⵕⵉⵢⴰⴹ, ⵕⵕⴱⴰⵟ.
ⵢⵓⵙⴰ ⴷ ⵓⵏⵎⵓⴳⴳⴰⵔ ⴰⴷ ⵏ ⵓⵏⵏⵓⵕⵥⵎ ⴷⴼⴼⵉⵔ ⵜⴰⵎⵢⴰⵎⴰⵏⵜ ⵜⴰⴳⵍⴷⴰⵏⵜ ⵏⵏⴰ ⵉⵍⵍⴰⵏ ⵖⵓⵔ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⵙ ⵓⵙⵔⵓⵙ ⵏⵏⵙ ⴰⴷ ⵉⴳ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵉ ⵓⵙⴳⵎⵉ ⴷ ⵓⵙⵎⵓⵜⴳⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⴰⵙⵙ ⵏ 14 ⵏⵓⵡⴰⵏⴱⵉⵔ 2022, ⴷ ⵓⵙⵔⵓⵙ ⴷⵉⵖ ⵏ ⵉⴳⵎⴰⵎⵏ ⴰⴽⴽⵯ ⵏⵏⴰ ⵉⴳⵏⵙⴻⵙⵏ ⵉⴳⵔⴰⵡⵏ ⴷ ⵜⵎⵔⵙⴰⵍ ⴷ ⵉⵎⴰⵣⵣⴰⵍⵏ ⴷ ⵉⵎⵓⵣⴰⵢ ⴳ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴳ ⵜⵎⵓⵔⵜ ⵏⵏⵖ.
ⵉⵡⵏⴰⵏ ⵏ ⵓⵎⵙⴳⵔⴰⵡ ⴰⴷ ⵉⵙⵎⵏⴷ ⵎⴰⵙⵙ ⴰⵏⵙⵙⵉⵅⴼ ⵜⴰⴳⵓⵔⵉ ⵏ ⵓⵏⵏⵓⵕⵥⵎ, ⵜⴰⵙⴳⴰ ⵏ ⵓⵙⵏⵎⵍ ⵏ ⵉⴳⵎⴰⵎⵏ ⵉⵎⴰⵢⵏⵓⵜⵏ ⴷ ⵜⵓⵙⵙⵏⴰ ⴳⴰⵔⴰⵙⵏ, ⵙ ⵓⵃⵉⴹⵕ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ ⵉⵜⵜⵓⵙⵏⵓⴱⴳⵏ ⵉ ⵜⴷⵓⵍⵉ ⵏ ⵓⵣⵎⵣⵣⵓ ⵢⴰⴷ.